Live
ЭДИЙН ЗАСАГ

“Эрдэнэ ресурс” компани хөрөнгийн зах дээр 17.5 сая ширхэг хувьцаа гаргалаа

Торонтогийн хөрөнгийн бирж дээр бүртгэлтэй Эрдэнэ ресурс Монголын хөрөнгийн бирж дээр нэмэлт хувьцаа гаргах цан цохих ёслол болж байна.

“Эрдэнэ Ресурс Девелопмент Корпорэйшн” компани хөрөнгийн зах дээр нэмж 17.5 сая ширхэг хувьцаа нэмж гаргаж буй. Тэгвэл уг нэмэлт хувьцааны анхдагч зах зээлийн арилжаа өнөөдрөөс (2021.10.04) эхэллээ. Зах зээлийн арилжаа ирэх баасан гарагт хаагдана.

Тус компанийн хувьд хөрөнгө оруулагчдаас нийтдээ 14.25 тэрбум төгрөгийн хөрөнгө оруулалт татах зорилготой байгаа бөгөөд үүний 75 хувийг стратегийн хөрөнгө оруулагчдаас, үлдсэн хувийг бусад хөрөнгө оруулагчдаас босгоно. 

Татсан хөрөнгийг Баян хөндий алтны төслийн бүтээн байгуулалт, хайгуул, ерөнхий удирдлагын зардлуудыг санхүүжүүлэхэд зарцуулахаар төлөвлөжээ. Одоогоор уг төслийн боловсруулах үйлдвэрийн нарийвчилсан загварлчлал, инженерчлэлийн ажлыг дуусгаж, үйлдвэрээс бусад дэд бүтцийн холбогдох зөвшөөрлийг аваад байгаа аж.

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet