Live
COVID-19

Хүний их эмч Б.СОДНОМПИЛ: Коронавирусийн халдвараар үнэн хэрэгтээ 4000-5000 хүн нас барсан

Эрүүл мэндийн салбарын эмч, ажилчдын төлөөлөл төв талбайд тав дахь өдрөө эсэргүүцэл илэрхийлэн, суулт зарлаж буй. Тэд эрүүл мэндийн салбарын ажилтнуудын эрх зөрчигдөж, бүх эмнэлгүүд улаан бүс болсон талаар мэдээлж, нийгмийн хамгаалал, хууль эрх зүйгээр хангахыг шаардаж байгаа юм.  

Энэ талаар Хүний их эмч Б.Содномпил “Өнгөрсөн хугацаанд Монголын эрүүл мэндийн ажилтны үйлдвэрчний эвлэлийн холбоо салбарынхаа төлөө тэмцлээ илэрхийлсэн ч дорвитой үр дүнд хүрээгүй. Иймд бид эрүүл мэндийн эмч, ажилтнуудын цалинг нэмж, нийгмийн хамгааллыг сайжруулж, хууль эрх зүйгээр хангаж өгөхийг шаардан суулт хийж байна.

Гэрэл зургийг MPA.mn

Учир нь өнгөрсөн хоёр жилийн хугацаанд манай улс коронавирусийн халдвартай тэмцэхэд зориулж маш их зардал гаргасан ч Засгийн газраас элдэв уулзалт, шагнал, Digital nation зэрэг баяр цэнгэлээр тэр зардлыг үнэгүйдүүлсэн. Гэтэл коронавирусийн халдвараар хэвтье гэхэд хаана ч ор байхгүй болоод байна. Түргэн тусламжийн эмч, ажилтнууд иргэдэд тусламж үзүүлье гэвч тэр өвчтөнийг авах ор алга. Эрүүл мэндийн салбарын эмч, ажилчдын 60-80 хувь нь коронавирусийн халдвараар өвчилж, бүх эмнэлгүүд улаан бүс болсон. Коронавирусээр өвчилсөн 1000 гаруй иргэн нас барсан гэж байгаа боловч үнэн хэрэгтээ аль эрт 4000-5000 хүн нас барсан. Энэ бол бодит тоо. Хэрэв И-Монголиа аппликэйшн рүү ороод халдварын долоо хоногийн тохиолдлыг ажиглавал уржигдар нас барсан хүний тоо өнөөдөр, өнөөдөр нас барсан хүний тоо хоёр хоногийн дараах үзүүлэлт дээр нэмэгдэх маягаар шивигдсэн байгаа” гэлээ.

Гэрэл зургийг MPA.mn

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet