ФОТО: "Гэрэл зургийн мастер"-ууд тодорлоо

Гэрэл зургийн салбарын тэргүүн шагнал “Гэрэл зургийн мастер” цол олгох арга хэмжээ боллоо. Хоёр жилд нэг удаа олгодог энэхүү цолыг энэ жил Монголын гэрэл зургийн салбарын хөгжил, гэрэл зургийн урлаг, төрөл зүйлийг хөгжүүлэх, гэрэл зургийн нийгмийн үүргийг гүйцэтгэхэд үнэтэй хувь нэмэр оруулсан гэрэл зурагчин Балганцэрэнгийн Баяр, Пүрвээгийн Баттулга, Гүрринчингийн Эрдэнэтуяа, Намсрайжавын Сүхбат, Базарын Цээпил нарт хүртээлээ.

Уг шагналыг 2020 онд 4, 2022 онд 2 хүнд тус тус олгосон бол өнөө жил Монгол Улсад гэрэл зургийн алба үүсэн байгуулагдсаны 90 жилийн ой тохиож буйтай холбогдуулан 5 хүнд олгосон юм.

Гэрэл зургийг MPA.mn