Өнөөдөр "Дэлхийн цагаан таягтны өдөр" буюу Хараагүй иргэдийн эрхийг хамгаалах өдөр

Жил бүрийн 10 дугаар сарын 15-ны өдрийг "Дэлхийн цагаан таягтны өдөр" буюу Хараагүй иргэдийн эрхийг хамгаалах өдөр, мөн 10 дугаар сарын хоёр дахь долоо хоногийн пүрэв гарагийг "Олон улсын хараа хамгаалах өдөр" болгон дэлхий нийтээрээ тэмдэглэн өнгөрүүлдэг. 

Харааны бэрхшээлтэй иргэдийн 30 орчим хувь нь Улаанбаатар хотын харьяалалтай бөгөөд 17 орчим хувь буюу 2,048 иргэн нь ажил хөдөлмөр эрхэлж байна. 

Хөгжлийн бэрхшээлтэй хүний талаарх эрх зүйн орчинг боловсронгуй болгох, барилга, байгууламж, зам талбайн хүртээмжийг сайжруулахад илүү анхаарч Хөгжлийн бэрхшээлтэй хүний эрхийн тухай хуулийн шинэчилсэн найруулгын төсөл, Саадгүй байдал, хүртээмжийн тухай анхдагч хуулийн төслийг ГБХНХЯ-аас боловсруулж байна.  
Орчны болоод хандлагын саад тотгорыг арилгаж, хүн бүр сурч боловсрох, хөдөлмөрлөх, нийгэмдээ бүрэн дүүрэн, үр дүнтэй оролцох тэгш эрх, боломжийг хамтдаа бий болгоё гэж ГБХНХЯ-аас мэдээллээ.