USD | 3406
EUR | 3528
CNY | 467.2
RUB | 30.95
JPY | 21.5
KRW | 2.32
Зураг авалтын талбайд зураглаач нь алагдсан “Rust” кино ирэх сард нээлтээ хийнэ
Зураглаач Халина Хатчинс кино зураг авалтын талбайд буудуулж амь насаа алдсанаас гурван жилийн дараа “Rust” кино ирэх сард болох кино наадамд нээлтээ хийхээр болжээ.
Киног арваннэгдүгээр сарын 23-нд Польш улсад болох “EnergaCAMERIMAGE” фестивалийн үеэр анх удаа олон нийтэд үзүүлэх гэнэ. Нээлтэд зураг авалтын үеэр шархадсан найруулагч Жоэл Соуза болон зураглаач Бианка Клайн, кино сургуульд Хатчинсд багшилдаг байсан Стивен Лайтхилл нар оролцох аж.
"Кино бүтээгчид киноны эргэн тойронд болсон үйл явдлуудын талаар ярилцаж, яагаад Халинаг нас барсны дараа уран бүтээлээ үргэлжлүүлэхээр болсон тухайгаа тайлбарлах болно. Түүний уран сайхны алсын харааг хадгалах нь багийнхны хувьд асар хүнд байсан ч кино бүтээгчдэд түүний ажлыг дуусгах нь үнэхээр чухал байсан” гэж кино нээлтийн тухай мэдэгдэлд бичжээ.
42 настай Хатчинс нь кино зураг авалтын үеэр жүжигчин, продюсер Алек Болдуины барьж байсан бууны суманд өртөн амиа алдсан юм. Алек Болдуин санамсаргүйгээр хүний амь нас хохироосон зүйл ангиар хэрэгт татагдсан боловч хэргийг өнгөрсөн долдугаар сард хэрэгсэхгүй болгосон.
Харин киноны зураг авалтын талбайд галт зэвсгийг хариуцаж байсан Ханна Гутиеррез Рид гуравдугаар сард санамсаргүйгээр хүний амь нас хохироосон зүйл ангиар буруутгагдаж, 18 сарын хорих ял сонссон билээ.
“Rust” кинонд 1880-аад онд Вайоминг мужид эцэг эхээ алдсаны дараа дүүтэйгээ үлдсэн 13 настай хүүгийн тухай өгүүлдэг байна. Тэрээр фермийн эзнийг санамсаргүйгээр хөнөөснийхөө төлөө дүүжлүүлэх ял авснаар удаан уулзаагүй өвөөгийнхөө хамт зугтаж үйл явдал өрнөх болно.
“The Hollywood Reporter”-ын мэдээлснээр Болдуин кино нээлтэд оролцохгүй.
Хатчинсийн нөхөр Болдуин болон уг киног бүтээхэд оролцсон бусад хүмүүсийн эсрэг нэхэмжлэл гаргасан ч өнгөрсөн жил тохиролцоонд хүрсэн юм. Тохиролцооны дагуу Хатчинсийн нөхөр Мэттью Хатчинс “Rust” кинонд гүйцэтгэх продюсерээр ажилласан байна.
Наадмын зохион байгуулагчдын хэлснээр нээлтийн арга хэмжээний үеэр эмэгтэйчүүдийн кино урлагт гүйцэтгэх үүрэг, тэдний кино урлагт оруулсан хувь нэмрийн тухай ярилцахаас гадна зураг авалтын талбайн аюулгүй байдал бас нэг гол сэдэв нь байх гэнэ.
Эх сурвалж: CNN
Зураглаач Халина Хатчинс кино зураг авалтын талбайд буудуулж амь насаа алдсанаас гурван жилийн дараа “Rust” кино ирэх сард болох кино наадамд нээлтээ хийхээр болжээ.
Киног арваннэгдүгээр сарын 23-нд Польш улсад болох “EnergaCAMERIMAGE” фестивалийн үеэр анх удаа олон нийтэд үзүүлэх гэнэ. Нээлтэд зураг авалтын үеэр шархадсан найруулагч Жоэл Соуза болон зураглаач Бианка Клайн, кино сургуульд Хатчинсд багшилдаг байсан Стивен Лайтхилл нар оролцох аж.
"Кино бүтээгчид киноны эргэн тойронд болсон үйл явдлуудын талаар ярилцаж, яагаад Халинаг нас барсны дараа уран бүтээлээ үргэлжлүүлэхээр болсон тухайгаа тайлбарлах болно. Түүний уран сайхны алсын харааг хадгалах нь багийнхны хувьд асар хүнд байсан ч кино бүтээгчдэд түүний ажлыг дуусгах нь үнэхээр чухал байсан” гэж кино нээлтийн тухай мэдэгдэлд бичжээ.
42 настай Хатчинс нь кино зураг авалтын үеэр жүжигчин, продюсер Алек Болдуины барьж байсан бууны суманд өртөн амиа алдсан юм. Алек Болдуин санамсаргүйгээр хүний амь нас хохироосон зүйл ангиар хэрэгт татагдсан боловч хэргийг өнгөрсөн долдугаар сард хэрэгсэхгүй болгосон.
Харин киноны зураг авалтын талбайд галт зэвсгийг хариуцаж байсан Ханна Гутиеррез Рид гуравдугаар сард санамсаргүйгээр хүний амь нас хохироосон зүйл ангиар буруутгагдаж, 18 сарын хорих ял сонссон билээ.
“Rust” кинонд 1880-аад онд Вайоминг мужид эцэг эхээ алдсаны дараа дүүтэйгээ үлдсэн 13 настай хүүгийн тухай өгүүлдэг байна. Тэрээр фермийн эзнийг санамсаргүйгээр хөнөөснийхөө төлөө дүүжлүүлэх ял авснаар удаан уулзаагүй өвөөгийнхөө хамт зугтаж үйл явдал өрнөх болно.
“The Hollywood Reporter”-ын мэдээлснээр Болдуин кино нээлтэд оролцохгүй.
Хатчинсийн нөхөр Болдуин болон уг киног бүтээхэд оролцсон бусад хүмүүсийн эсрэг нэхэмжлэл гаргасан ч өнгөрсөн жил тохиролцоонд хүрсэн юм. Тохиролцооны дагуу Хатчинсийн нөхөр Мэттью Хатчинс “Rust” кинонд гүйцэтгэх продюсерээр ажилласан байна.
Наадмын зохион байгуулагчдын хэлснээр нээлтийн арга хэмжээний үеэр эмэгтэйчүүдийн кино урлагт гүйцэтгэх үүрэг, тэдний кино урлагт оруулсан хувь нэмрийн тухай ярилцахаас гадна зураг авалтын талбайн аюулгүй байдал бас нэг гол сэдэв нь байх гэнэ.
Эх сурвалж: CNN
#Rust, #Алек Болдуин, #Халина Хатчинс, #EnergaCAMERIMAGE,
Санал болгох
5 цаг
Дээш