Японы Батлан ​​хамгаалах яам Хятадын өсөн нэмэгдэж буй аюул заналхийллийг харгалзан баруун өмнөд арлуудыг хамгаалах хүчээ бэхжүүлэхийн тулд ирэх онд 8.5 их наяд иен буюу 59 тэрбум ам.долларын төсөв батлуулахаар зэхэж байна.

Японы засгийн газар 2027 он хүртэл таван жилийн хугацаанд цэргийн хүчээ эрчимтэй бэхжүүлж, жилийн зардлаа хоёр дахин нэмэгдүүлж 10 орчим их наяд иенд хүргэхээр төлөвлөж байгаа ба энэ хүрээнд нийт 43 их наяд иен буюу 297 тэрбум ам.доллар зарцуулахаар төсөвлөөд байгаа. Ингэснээр Япон нь АНУ, БНХАУ-ын дараа дэлхийд гуравдугаарт орох цэргийн өндөр зардалтай улс болох юм.

Төсвийн төслийг Батлан ​​хамгаалах яамны өнөөдрийн хуралдаанаар баталсан бөгөөд одоо Сангийн яам хүсэлтийг нь арванхоёрдугаар сар хүртэл хэлэлцэнэ.

2025 оны төсвийн 970 тэрбум иен буюу 6.7 тэрбум ам.доллар нь алсын тусгалтай пуужингууд болон тэдгээрийг хөөргөх тоног төхөөрөмж, тэр дундаа “Aegis” ангиллын байлдааны хөлөг худалдан авах, хөгжүүлэх замаар цохилт өгөх чадварыг нэмэгдүүлэхэд зарцуулагдах төлөвтэй байна. Хойд Солонгос, Хятад, Орос илрүүлэх, хянахад илүү хэцүү хэт авиан пуужин бүтээж байгаа тул уг зардлын гуравны нэг орчим нь пуужинтай холбоотой үйл ажиллагааг илрүүлэх чадавхыг нэмэгдүүлэхэд чиглэх гэнэ.

Мөн цэргийн хомсдолын асуудлыг шийдвэрлэхийн тулд тандалт, байлдааны зориулалттай дрон хөгжүүлэх, худалдан авахад анхаарч, үүнд 103 тэрбум иен буюу 710 сая ам.доллар хүссэн байна. Түүнчлэн хүн хүч бага шаардагддаг байлдааны хөлөг бүтээхийн тулд 314 тэрбум иен буюу 2.17 тэрбум ам.долларын хөрөнгө оруулахаар төлөвлөжээ. 

“Төрөлтийн түвшин болон хөдөлмөрийн насны хүн амын тоо буурч байгаа тул Япон ажиллах хүчний хомсдолд орох нь гарцаагүй. Ийм нөхцөлд бид батлан ​​​​хамгаалах хүчийг бэхжүүлэхийн зэрэгцээ тэмцлийн шинэ арга замыг эрэлхийлэх хэрэгтэй” гэж тус яам баасан гарагт нийтэлсэн тайландаа өгүүлсэн байна.

Үүний тулд Япон даяар өөрийгөө хамгаалах хүчний 40 баазад хиймэл оюун ухааны хяналтын системийг нэвтрүүлэхэд 18 тэрбум иен буюу 124 сая ам.доллар төсөвлөжээ. Ингэснээр 1000 цэргийн алба хаагчийг өөр чиглэлд шилжүүлэх боломжтой болох аж. Мөн Окинавад автоматжуулсан хангамжийн агуулах ашиглалтад оруулахын тулд 4.3 тэрбум буюу 29.7 сая ам.доллар хүссэн байна.

Үүний зэрэгцээ, тус яам цалин хөлс, ажиллах орчныг сайжруулах, суралцах боломжийг нэмэгдүүлэхийн тулд шинэчлэл хийж, эмэгтэйчүүдийг цэргийн албанд татахын тулд хөдөлмөр эрхэлж буй эхчүүдэд дэмжлэг үзүүлэх уриалгыг тайландаа тусгажээ.

Эх сурвалж: AP

Японы Батлан ​​хамгаалах яам Хятадын өсөн нэмэгдэж буй аюул заналхийллийг харгалзан баруун өмнөд арлуудыг хамгаалах хүчээ бэхжүүлэхийн тулд ирэх онд 8.5 их наяд иен буюу 59 тэрбум ам.долларын төсөв батлуулахаар зэхэж байна.

Японы засгийн газар 2027 он хүртэл таван жилийн хугацаанд цэргийн хүчээ эрчимтэй бэхжүүлж, жилийн зардлаа хоёр дахин нэмэгдүүлж 10 орчим их наяд иенд хүргэхээр төлөвлөж байгаа ба энэ хүрээнд нийт 43 их наяд иен буюу 297 тэрбум ам.доллар зарцуулахаар төсөвлөөд байгаа. Ингэснээр Япон нь АНУ, БНХАУ-ын дараа дэлхийд гуравдугаарт орох цэргийн өндөр зардалтай улс болох юм.

Төсвийн төслийг Батлан ​​хамгаалах яамны өнөөдрийн хуралдаанаар баталсан бөгөөд одоо Сангийн яам хүсэлтийг нь арванхоёрдугаар сар хүртэл хэлэлцэнэ.

2025 оны төсвийн 970 тэрбум иен буюу 6.7 тэрбум ам.доллар нь алсын тусгалтай пуужингууд болон тэдгээрийг хөөргөх тоног төхөөрөмж, тэр дундаа “Aegis” ангиллын байлдааны хөлөг худалдан авах, хөгжүүлэх замаар цохилт өгөх чадварыг нэмэгдүүлэхэд зарцуулагдах төлөвтэй байна. Хойд Солонгос, Хятад, Орос илрүүлэх, хянахад илүү хэцүү хэт авиан пуужин бүтээж байгаа тул уг зардлын гуравны нэг орчим нь пуужинтай холбоотой үйл ажиллагааг илрүүлэх чадавхыг нэмэгдүүлэхэд чиглэх гэнэ.

Мөн цэргийн хомсдолын асуудлыг шийдвэрлэхийн тулд тандалт, байлдааны зориулалттай дрон хөгжүүлэх, худалдан авахад анхаарч, үүнд 103 тэрбум иен буюу 710 сая ам.доллар хүссэн байна. Түүнчлэн хүн хүч бага шаардагддаг байлдааны хөлөг бүтээхийн тулд 314 тэрбум иен буюу 2.17 тэрбум ам.долларын хөрөнгө оруулахаар төлөвлөжээ. 

“Төрөлтийн түвшин болон хөдөлмөрийн насны хүн амын тоо буурч байгаа тул Япон ажиллах хүчний хомсдолд орох нь гарцаагүй. Ийм нөхцөлд бид батлан ​​​​хамгаалах хүчийг бэхжүүлэхийн зэрэгцээ тэмцлийн шинэ арга замыг эрэлхийлэх хэрэгтэй” гэж тус яам баасан гарагт нийтэлсэн тайландаа өгүүлсэн байна.

Үүний тулд Япон даяар өөрийгөө хамгаалах хүчний 40 баазад хиймэл оюун ухааны хяналтын системийг нэвтрүүлэхэд 18 тэрбум иен буюу 124 сая ам.доллар төсөвлөжээ. Ингэснээр 1000 цэргийн алба хаагчийг өөр чиглэлд шилжүүлэх боломжтой болох аж. Мөн Окинавад автоматжуулсан хангамжийн агуулах ашиглалтад оруулахын тулд 4.3 тэрбум буюу 29.7 сая ам.доллар хүссэн байна.

Үүний зэрэгцээ, тус яам цалин хөлс, ажиллах орчныг сайжруулах, суралцах боломжийг нэмэгдүүлэхийн тулд шинэчлэл хийж, эмэгтэйчүүдийг цэргийн албанд татахын тулд хөдөлмөр эрхэлж буй эхчүүдэд дэмжлэг үзүүлэх уриалгыг тайландаа тусгажээ.

Эх сурвалж: AP

#Батлан хамгаалах яам, #төсөв, #Япон, #Хятадын өсөн нэмэгдэж буй аюул заналхийлэл,

Санал болгох

Судалгаа: Өдөрт таван минут нэмэлт дасгал хийх нь цусны даралт бууруулахад хангалттай

Трампын ялалт Украин, Ойрх Дорнод, Хятадын талаарх Вашингтоны бодлогод хэрхэн нөлөөлөх вэ

Австрали улс 16 хүртэлх насны хүүхдүүдийг олон нийтийн мэдээллийн хэрэгсэл ашиглахыг хориглоно