Францын алдарт Версалийн Хааны ордны Дуурийн театрын найрал хөгжимчид Монголд айлчлан тоглолт хийнэ

Францын алдарт Версалийн Хааны ордны Дуурийн театрын найрал хөгжимчид Монгол улсад анх удаа айлчлан ирж, алдарт хөгжмийн зохиолч Антони Вивальди, Раму, Ламбэрт нарын бүтээлийг толилуулах гэж байна. 

Барокко болон уянгын уран бүтээлээр мэргэшсэн тэргүүн зэргийн удирдаачид, хөгжимчдөөс бүрдсэн Версалийн Хааны ордны Дуурийн театр нь улирал бүр зуу гаруй бүтээлийг өөрийн хүндэт тайзнаа тоглодог нэр хүндтэй тоглолтоороо алдартай.

Монгол Улсын Соёлын Яам, Монгол Улс дахь Францын Элчин Сайдын Яам, Дуурь бүжгийн эрдмийн театр хамтран зохион байгуулж буй энэхүү тоглолт нь Монгол Улсад ирж буй Версалийн Хааны ордны Дуурийн театрын найрал хөгжмийн анхны айлчлан тоглолт төдийгүй Франц Улсаас айлчлан тоглож буй анхны найрал хөгжим юм.