USD | 3370
EUR | 3533
CNY | 462.4
RUB | 33.23
JPY | 21.05
KRW | 2.32
Юлия Навальная “Time” сэтгүүлийн нөлөө бүхий 100 эрхмийн жагсаалтад багтжээ
Оросын сөрөг хүчний идэвхтэн, талийгаач Алексей Навальныйн бэлэвсэн эхнэр Юлия Навальная “Time” сэтгүүлээс жил бүр гаргадаг дэлхийн хамгийн нөлөө бүхий 100 эрхмийн жагсаалтад багтжээ.
Навальный хоёрдугаар сарын 16-нд Арктикийн шоронд нас барснаас хойших анхны ярилцлагадаа Навальная нөхрийнхөө дэмжигчдэд итгэл найдвар төрүүлж, Путиний эсрэг сөрөг хүчний тэмцэл зогсохгүй гэдгийг Кремльд харуулахын тулд улс төрд орохыг сонгосон гэж ярьжээ.
“Алексей бид хоёр намайг улс төрд орох тухай ярьж байгаагүй. Гэхдээ би ийм зүйл тохиолдохыг зөвшөөрч болохгүй гэж бодсон. Хэрэв тэд Алексейг алаад, энэ бүхэн дуусна гэж бодож байсан бол тэд эндүүрч байна.”
Тэрээр мөн Путиний ойрын хүрээлэл дэх чинээлэг хүмүүсийн эсрэг хориг арга хэмжээ авахаас зайлсхийж байгаа барууны удирдагчдад сэтгэл дундуур байгаагаа илэрхийлэв.
“Ийм хориг арга хэмжээ нь Путиний эрх мэдэлд нөлөөлөх бол Алексейг хөнөөсний дараа ЕХ болон Их Британиас тавьсан хориг арга хэмжээнүүд шиг энгийн иргэдэд нөлөөлж буй хориг арга хэмжээ нь үнэхээр инээдтэй юм.”
Тэрээр Путинийг улстөрч биш, харин “гангстер” гэж тодорхойлж байгаагаа дахин хэлэв.
“Асуудал нь барууныхан Путинийг улстөрч гэж боддог. Гэвч тэрбээр улстөрч байхаа болиод удаж байна. Тэрээр зохион байгуулалттай гэмт хэргийн бүлгийн толгойлогч юм. Түүний ойр хүрээлэл бүгд гэмт хэрэгтнүүд. Тэд дайны гэмт хэрэг үйлдэж, хууль зөрчиж, Оросын ард түмнээс асар их мөнгө хулгайлж, Оросын ард түмнийг ядууруулсан.”
АНУ-ын дэд Ерөнхийлөгч Камала Харрис “Дэлхийн хүмүүсийн сайн сайхны төлөө Юлия Навальная дэлхийн тавцанд манлайллын үүргийг гүйцэтгэж байна” гэж “Time” сэтгүүл Навальнаяг жагсаалтад оруулсантай холбогдуулан товч тайлбар бичжээ.
Навальная Кремлийн эсрэг тэмцлээ үргэлжлүүлнэ гэж амласан нь “авлигын эсрэг, чөлөөт, ардчилсан Оросын төлөө тэмцэж буй хүмүүст шинэ итгэл найдвар болж байна” гэж цааш нь хэлэв.
“Навальная ардчиллын үнэт зүйлийн бэлгэ тэмдэг төдийгүй тэдний төлөө зоригтой тэмцэгч болж гарч ирсэн. АНУ түүнтэй хамт, мөн эрх чөлөө, ардчиллын төлөө тэмцэж буй бүх хүмүүстэй хамт байна” гэж Харрис хэлэв.
Эх сурвалж: The Moscow Times
Оросын сөрөг хүчний идэвхтэн, талийгаач Алексей Навальныйн бэлэвсэн эхнэр Юлия Навальная “Time” сэтгүүлээс жил бүр гаргадаг дэлхийн хамгийн нөлөө бүхий 100 эрхмийн жагсаалтад багтжээ.
Навальный хоёрдугаар сарын 16-нд Арктикийн шоронд нас барснаас хойших анхны ярилцлагадаа Навальная нөхрийнхөө дэмжигчдэд итгэл найдвар төрүүлж, Путиний эсрэг сөрөг хүчний тэмцэл зогсохгүй гэдгийг Кремльд харуулахын тулд улс төрд орохыг сонгосон гэж ярьжээ.
“Алексей бид хоёр намайг улс төрд орох тухай ярьж байгаагүй. Гэхдээ би ийм зүйл тохиолдохыг зөвшөөрч болохгүй гэж бодсон. Хэрэв тэд Алексейг алаад, энэ бүхэн дуусна гэж бодож байсан бол тэд эндүүрч байна.”
Тэрээр мөн Путиний ойрын хүрээлэл дэх чинээлэг хүмүүсийн эсрэг хориг арга хэмжээ авахаас зайлсхийж байгаа барууны удирдагчдад сэтгэл дундуур байгаагаа илэрхийлэв.
“Ийм хориг арга хэмжээ нь Путиний эрх мэдэлд нөлөөлөх бол Алексейг хөнөөсний дараа ЕХ болон Их Британиас тавьсан хориг арга хэмжээнүүд шиг энгийн иргэдэд нөлөөлж буй хориг арга хэмжээ нь үнэхээр инээдтэй юм.”
Тэрээр Путинийг улстөрч биш, харин “гангстер” гэж тодорхойлж байгаагаа дахин хэлэв.
“Асуудал нь барууныхан Путинийг улстөрч гэж боддог. Гэвч тэрбээр улстөрч байхаа болиод удаж байна. Тэрээр зохион байгуулалттай гэмт хэргийн бүлгийн толгойлогч юм. Түүний ойр хүрээлэл бүгд гэмт хэрэгтнүүд. Тэд дайны гэмт хэрэг үйлдэж, хууль зөрчиж, Оросын ард түмнээс асар их мөнгө хулгайлж, Оросын ард түмнийг ядууруулсан.”
АНУ-ын дэд Ерөнхийлөгч Камала Харрис “Дэлхийн хүмүүсийн сайн сайхны төлөө Юлия Навальная дэлхийн тавцанд манлайллын үүргийг гүйцэтгэж байна” гэж “Time” сэтгүүл Навальнаяг жагсаалтад оруулсантай холбогдуулан товч тайлбар бичжээ.
Навальная Кремлийн эсрэг тэмцлээ үргэлжлүүлнэ гэж амласан нь “авлигын эсрэг, чөлөөт, ардчилсан Оросын төлөө тэмцэж буй хүмүүст шинэ итгэл найдвар болж байна” гэж цааш нь хэлэв.
“Навальная ардчиллын үнэт зүйлийн бэлгэ тэмдэг төдийгүй тэдний төлөө зоригтой тэмцэгч болж гарч ирсэн. АНУ түүнтэй хамт, мөн эрх чөлөө, ардчиллын төлөө тэмцэж буй бүх хүмүүстэй хамт байна” гэж Харрис хэлэв.
Эх сурвалж: The Moscow Times
#Юлия Навальная, #Time,
Санал болгох
Дээш