Пүрэв гарагт сөрөг хүчний олон арван мянган дэмжигч Польшийн парламентын гадаа цугларч, шинэ засгийн газрын төрийн хэвлэл мэдээллийн хэрэгсэлд оруулсан өөрчлөлт, мөн эрх мэдлээ урвуулан ашигласан хэргээр буруутгагдаж буй хоёр сайдыг шоронд хорихыг эсэргүүцэв.

Дональд Тускийн тэргүүлж буй Европын холбоог дэмжигч шинэ эвслийн засгийн газар өмнөх үндсэрхэг үзэлтэй Хууль ба Шударга ёс (PiS) намын удирдлагын бодлогыг буцаахыг оролдож байгаа нь хурцадмал байдал үүсэхэд хүргээд байна.

Мөн Хууль ба Шударга ёс намын холбоотон Ерөнхийлөгч Анджей Дуда энэ долоо хоногт эрх мэдлээ урвуулан ашигласан хэргээр шоронд хоригдсон сүүлийн засгийн газрын хоёр сайдад өршөөл үзүүлэх ажиллагааг эхлүүлсэн тухайгаа пүрэв гарагт мэдэгдсэн нь шинэ засгийн газрын эсэргүүцэлтэй тулгарсан юм.

“Бид бүрэн эрхт, тусгаар тогтносон Польшийн төлөөх энэ агуу тулалдаанд ялах ёстой” гэж Хууль ба Шударга ёс намын удирдагч Ярослав Качински цугласан олонд хандан хэлэв.

Жагсагчид Польшийн төрийн далбаа, мөн “Туск=5-р багана”, “Бид Оросуудыг давж гарсан, бид Тускийг ч давах болно”, “Бид ялна!” гэх мэт уриа лоозон барьсан байжээ.

Пүрэв гарагт нийслэлд 35,000 орчим хүн цугласан гэж төрийн мэдлийн “PAP” агентлаг Варшав хотын захиргаанаас иш татан мэдээлсэн бол Хууль ба Шударга ёс намын төлөөлөгч 200,000 орчим хүн ирсэн гэж мэдэгдэв.

Хууль ба Шударга ёс намын засгийн газрын үед  шүүхийн хараат бус байдлыг алдагдуулж, шүүхийн тогтолцоог эмх замбараагүй байдалд оруулсан шинэчлэлүүдийг хийсэн гэж шүүмжлэгчид үздэг. 

Харин Тускийн шинэ засгийн газар сүүлийн засгийн газрын бодлогын хариуд Европын холбооны царцаасан хэдэн тэрбумын сангийн хоригийг арилгахын тулд эдгээр шинэчлэлийг цуцлахыг оролдож байгаа юм.

Түүнчлэн шинэ засгийн газар Хууль ба Шударга ёс намын засаглалын үед намын суртал ухуулгын платформ болсон хэвлэл мэдээллийн хэрэгслийн тэнцвэрийг сэргээх зорилгоор төрийн хэвлэл мэдээллийн удирдлагыг өөрчилсөн нь сөрөг хүчний дэмжигчдэд таалагдаагүй байна.

Эх сурвалж: BBC

Пүрэв гарагт сөрөг хүчний олон арван мянган дэмжигч Польшийн парламентын гадаа цугларч, шинэ засгийн газрын төрийн хэвлэл мэдээллийн хэрэгсэлд оруулсан өөрчлөлт, мөн эрх мэдлээ урвуулан ашигласан хэргээр буруутгагдаж буй хоёр сайдыг шоронд хорихыг эсэргүүцэв.

Дональд Тускийн тэргүүлж буй Европын холбоог дэмжигч шинэ эвслийн засгийн газар өмнөх үндсэрхэг үзэлтэй Хууль ба Шударга ёс (PiS) намын удирдлагын бодлогыг буцаахыг оролдож байгаа нь хурцадмал байдал үүсэхэд хүргээд байна.

Мөн Хууль ба Шударга ёс намын холбоотон Ерөнхийлөгч Анджей Дуда энэ долоо хоногт эрх мэдлээ урвуулан ашигласан хэргээр шоронд хоригдсон сүүлийн засгийн газрын хоёр сайдад өршөөл үзүүлэх ажиллагааг эхлүүлсэн тухайгаа пүрэв гарагт мэдэгдсэн нь шинэ засгийн газрын эсэргүүцэлтэй тулгарсан юм.

“Бид бүрэн эрхт, тусгаар тогтносон Польшийн төлөөх энэ агуу тулалдаанд ялах ёстой” гэж Хууль ба Шударга ёс намын удирдагч Ярослав Качински цугласан олонд хандан хэлэв.

Жагсагчид Польшийн төрийн далбаа, мөн “Туск=5-р багана”, “Бид Оросуудыг давж гарсан, бид Тускийг ч давах болно”, “Бид ялна!” гэх мэт уриа лоозон барьсан байжээ.

Пүрэв гарагт нийслэлд 35,000 орчим хүн цугласан гэж төрийн мэдлийн “PAP” агентлаг Варшав хотын захиргаанаас иш татан мэдээлсэн бол Хууль ба Шударга ёс намын төлөөлөгч 200,000 орчим хүн ирсэн гэж мэдэгдэв.

Хууль ба Шударга ёс намын засгийн газрын үед  шүүхийн хараат бус байдлыг алдагдуулж, шүүхийн тогтолцоог эмх замбараагүй байдалд оруулсан шинэчлэлүүдийг хийсэн гэж шүүмжлэгчид үздэг. 

Харин Тускийн шинэ засгийн газар сүүлийн засгийн газрын бодлогын хариуд Европын холбооны царцаасан хэдэн тэрбумын сангийн хоригийг арилгахын тулд эдгээр шинэчлэлийг цуцлахыг оролдож байгаа юм.

Түүнчлэн шинэ засгийн газар Хууль ба Шударга ёс намын засаглалын үед намын суртал ухуулгын платформ болсон хэвлэл мэдээллийн хэрэгслийн тэнцвэрийг сэргээх зорилгоор төрийн хэвлэл мэдээллийн удирдлагыг өөрчилсөн нь сөрөг хүчний дэмжигчдэд таалагдаагүй байна.

Эх сурвалж: BBC

#Польш, #Хууль ба шударга ёс нам, #Ерөнхийлөгч Анджей Дуда, #Дональд Туск,

Санал болгох

Өмнөд Солонгосын Ерөнхийлөгч Юныг огцруулах уриалга улс төрчдийн дунд хүчтэй байна

Жижиг астероид дэлхийг мөргөж, алслагдсан Якутын тэнгэрийг гэрэлтүүлжээ

Үндэсний ассамблей эсэргүүцсэний дараа Юн онц байдлын дэглэмийг цуцалжээ