Хэдэн долоо хоног үргэлжилсэн газар хөдлөлтийн дараа Исландад галт уул идэвхэжжээ

Исландын баруун өмнөд хэсэгт хэдэн долоо хоног хүчтэй газар хөдөлсний дараа даваа гарагт галт уул идэвхэжсэн талаар тус улсын Цаг уурын алба мэдээллээ.

Эрх баригчид Рейкьянесын хойгт үүсэж болох аюулаас урьдчилан сэргийлээд Гриндавик тосгоны 4,000 орчим оршин суугчийг нүүлгэн шилжүүлж, ойролцоох “Blue Lagoon” рашаан сувиллыг хаажээ.

Эргийн хамгаалалтын албаныхан нисдэг тэргээр идэвхжилийн байршил, хэмжээг тогтоохоор бэлтгэж байгааг Цаг уурын алба мэдээлэв.

Одоогоор ойролцоох Рейкьявикийн олон улсын нисэх онгоцны буудал үйл ажиллагаагаа хэвийн үргэлжлүүлж байна.

Сүүлийн жилүүдэд Рейкьянесийн хойгт суурьшлын бус бүсэд хэд хэдэн удаа галт уул идэвхэжсэн боловч сүүлийн идэвхжил нь Гриндавик тосгонд аюул учруулж болзошгүй байгааг эрх баригчид мэдэгдэв.

Рейкьянес бол нийслэл Рейкьявикээс баруун өмнө зүгт орших галт уулын болон газар хөдлөлтийн идэвхтэй цэг юм. 2021 оны гуравдугаар сард Фаградальфьяллын галт уулын систем дэх 500-750 метр урт ан цаваас галт уулын лав оргилж байжээ.

Эх сурвалж: Reuters