Парис-2024 наадмын 400,000 тасалбар ирэх долоо хоногт худалдаанд гарна

2024 онд Парис хотноо зохион байгуулагдах олимпын наадмын 400,000 тасалбарыг энэ сарын сүүлээр худалдаанд гаргахаар төлөвлөж байгааг наадмын зохион байгуулагчид лхагва гарагт мэдэгдэв.

Зуны наадам 2024 оны долдугаар сарын 26-аас наймдугаар сарын 8-ны хооронд болох бөгөөд зохион байгуулагчид нийт 10 сая тасалбар зарна гэж найдаж байгаагаас 7.2 сая нь аль хэдийн зарагдсан болохыг наадмын үйл ажиллагааг хариуцсан захирал Майкл Алоисио мэдэгджээ.

“Өөр ямар ч зохион байгуулах хороо ийм олон тасалбарыг ийм хурдан зарсан гэж би бодохгүй байна” гэж Алоисио сэтгүүлчдэд хэлсэн байна.

Парис-2024-ийн зарим тасалбарын үнэ хэт өндөр байгаа нь шүүмжлэлд өртөж байгаа ч шинээр зарагдах тасалбарын гуравны нэг нь серфингээс бусад бүх төрөлд 50-аас доош еврогийн үнэтэй байх гэнэ.

Арваннэгдүгээр сарын 30-нд худалдаалагдах тасалбарын 30,000 нь хөнгөн атлетик, 24,000 нь теннисний төрлийнх байх аж.

Сена мөрөнд болох нээлтийн ёслолын тасалбар 90-2,700 еврогийн үнэтэй байх болно.

Зохион байгуулагчид мөн Паралимпын наадмын 2.8 сая тасалбарыг борлуулахаар төлөвлөж байгаа бөгөөд жилийн эцэст тасалбарын борлуулалтын талаар дэлгэрэнгүй мэдээлэл хийнэ гэв.

Эх сурвалж: Reuters