Их Британи “Call of Duty”-ийн хөгжүүлэгчийг 69 тэрбум ам.доллароор худалдаж авах “Microsoft”-ын саналыг зөвшөөрчээ

“Call of Duty”-ийн хөгжүүлэгч “Activision Blizzard”-ийг 69 тэрбум доллароор худалдаж авах “Microsoft”-ын саналыг Их Британийн зохицуулагчид зөвшөөрчээ. 

“Microsoft” нь 2022 оны нэгдүгээр сард “Activision”-ийг худалдаж авах санал тавьсан боловч түүнээс хойш АНУ, Европ, Их Британид зохицуулалтын бэрхшээлтэй тулгараад байсан юм.

Баасан гарагт Их Британийн Зах зээлийн өрсөлдөөнийг хянах газар “Microsoft”-ын саналыг зөвшөөрснөөр тоглоомын салбарын түүхэн дэх хамгийн том хэлэлцээрийг хаахад тулгараад байсан сүүлийн томоохон саад арилсан байна.

Гэсэн ч тус байгууллага үүлэн тоглоомын эрхийг “Microsoft”-т шилжүүлэхээс татгалзжээ.

Гэрээний дагуу “Microsoft” нь “Activision”-ий тоглоомуудын үүлэн эрхийг Францын видео тоглоомын “Ubisoft”-д шилжүүлэхээр болсон байна.

“Microsoft” нь “Activision”-ийг худалдаж авснаар “Call of Duty”, “World of Warcraft”, “Overwatch”, “Candy Crush”-ийн эзэн болно. Ингэснээр “Xbox” консолынх нь эрэлт нэмэгдэж, “Xbox Game Pass” стриминг үйлчилгээнийх нь каталогт илүү олон гарчиг нэмэгдэнэ гэж технологийн компани найдаж байгаа аж.

Энэхүү хэлэлцээр нь мөн “Microsoft”-ыг видео тоглоомын салбарын хамгийн том тоглогч болгох юм.

Эх сурвалж: BBC