Данийн агаарын хүчин НАТО-ийн агаарын орон зайг чиглэн нисэж байсан Оросын бөмбөгдөгч онгоцнуудыг саатуулжээ

Данийн агаарын хүчин Нидерландын хяналтанд байдаг НАТО-ийн бүс рүү нисэж байсан Оросын хоёр бөмбөгдөгч онгоцыг өөрийн нутаг дэвсгэрийн дээгүүр нисэж байхад нь саатуулсан болохыг Нидерландын хааны нисэх хүчин даваа гарагт мэдэгдэв.

Даваа гарагийн өглөө Нидерландын “F-16” онгоцнууд байлдааны ажиллагаанд дуудагдсан ч Оросын бөмбөгдөгч онгоцнууд Нидерландын хяналтад байдаг НАТО-ийн агаарын орон зайд нэвтэрч амжаагүй байхдаа саатуулагдаж, буцаж ниссэн гэж мэдэгдэлд дурдсан байна.

Нидерландын хааны нисэх хүчний хэвлэлийн төлөөлөгчийн хэлснээр таних кодгүй, нислэгийн төлөвлөгөөгөө өгөөгүй, хариу өгөөгүй тохиолдолд онгоцыг саатуулдаг байна.

Тэрээр мөн Оросын нисэх онгоцнууд Европын аль нэг улсын агаарын орон зайг зөрчих, ойртох тохиолдол цөөнгүй гардаг болохыг хэлжээ.

Одоогоор Данийн Батлан хамгаалах яам энэ талаар тайлбар хийгээгүй байна.

Эх сурвалж: Reuters