УУРХАЙЧИД: Ажлын хоногийг 28/14 болгохыг ЭСЭРГҮҮЦЭЖ байна

Монголын эрчим хүч, геологи уул уурхайн үйлдвэрчний эвлэлийн холбооноос Хөдөлмөрийн тухай хуулийн шинэчилсэн найруулгын талаар мэдээлэл хийлээ. Энэ хууль 2022 оны нэгдүгээр сарын 1-нээс хэрэгжиж эхлэх юм.

Тэд "Оюу толгой" ХХК-ийн ажилтнуудад тулгамдаж буй асуудал болон нийт уурхайчдын өмнө тулгамдаад байгаа асуудлаар Засгийн Газарт мэдэгдэл хүргүүлж байна.

Өнөөдөр уурхайчдын ажиллах хуваарьт хоног хуульд 14/14 байгаа. Үүнийг Хөдөлмөрийн тухай хуулийн шинэчилсэн найруулгад 28/14 гэж тусгах гэж байгааг дэмжихгүй. Учир нь эндээс маш олон асуудал үүснэ. Гэр бүл салалт, хүүхдийн боловсролын хоцрогдол гээд...

Ажлын хоногийг 14/14 гэсэн нь зүгээр ч нэг тоо биш. Үүнийг Монгол орны өнцөг булан бүрд ажиллаж, амьдарч байгаа уурхайчдаас санал асуулга авч байж тогтоосон хугацаа юм.

Шинэчилсэн хууль нь хэрэгжиж эхлээгүй байтал өөрчилж болдог юм уу" гэлээ.