Байлдааны танкны нийлүүлэлт баталгаажсан тул Украин одоо АНУ-д үйлдвэрлэсэн “F-16” зэрэг дөрөв дэх үеийн сөнөөгч онгоцонд төвлөрөх болно гэж Украины Батлан хамгаалахын сайдын зөвлөх лхагва гарагт мэдэгдэв.

Герман улс Киевт хүнд танк нийлүүлэхээр төлөвлөж байгаагаа лхагва гарагт зарласан нь Украины хувьд асар их дэмжлэг болохоос гадна энэ асуудлаар олон долоо хоног үргэлжилсэн дипломат мухардалд цэг тавьсан хэрэг болсон юм. Германы мэдэгдлийн дараа Вашингтон мөн Украинд “Abrams” танк нийлүүлэх болсноо зарласан.

Дээрх мэдэгдлүүдийн араас Батлан хамгаалахын сайд Алексей Резниковын зөвлөх Юрий Сак “Дараагийн том саад бол сөнөөгч онгоц байх болно” гэж “Reuters” агентлагт ярьжээ.

Украины Агаарын цэргийн хүчний сөнөөгч онгоцны флот 31 жилийн өмнө Киев тусгаар тогтнолоо зарлахаас ч өмнө үйлдвэрлэгдсэн Зөвлөлтийн үеийн онгоцнуудаас бүрддэг. Эдгээрийг одоо байлдааны онгоцыг таслан зогсоох, Оросын байрлал руу довтлоход ашиглаж байна.

Сак “Хэрэв бид барууны сөнөөгч онгоцтой болчихвол тулааны талбарт асар их давуу талтай болох болно... Бид зүгээр нэг ‘F-16’ (АНУ-ын олон үүрэгт сөнөөгч онгоц) биш, харин дөрөв дэх үеийн нисэх онгоц хүсээд байгаа юм” гэж хэлжээ.

Киевийн хувьд барууны цэргийн дэмжлэг амин чухал бөгөөд энэ талаарх барууны шийдвэр дайны үед хурдацтай өөрчлөгдсөөр байна. Түрэмгийллийн өмнө Украинд зэвсгийн тусламж үзүүлэх санаа хүртэл маргаантай байсан ч барууны нийлүүлэлт олон хоригийг давсаар өнөөг хүрсэн.

“Тэд бидэнд хүнд их буу өгөхийг хүсээгүй, дараа нь тэд өгсөн. Тэд бидэнд ‘Himars’ систем нийлүүлэхийг хүсээгүй, дараа нь тэд өгсөн. Тэд бидэнд танк өгөхийг хүсээгүй, одоо танк өгч байна. Цөмийн зэвсгээс гадна, бидэнд аваагүй зүйл бараг үлдсэнгүй” гэж Сак хэлэв.

Лондон дахь “RUSI” судалгааны төвийн судлаач Жастин Бронк агаар-агаар, агаар-газар ангиллын пуужингийн тал дээр барууны сөнөөгч онгоцнууд тулааны талбарт ихээхэн ашиг тус авчирч магадгүй гэж үзэж байна.

Гэхдээ Оросын газар-агаар ангиллын пуужингаас болж барууны сөнөөгч онгоцнууд фронтын шугамын ойролцоо маш доогуур нисэх хэрэгтэй болох бөгөөд энэ нь пуужингийн үр дүнтэй тусгалын зайг эрс багасгаж, цохилт өгөх боломжийг хязгаарлах болно гэжээ.

Эх сурвалж: Reuters

Байлдааны танкны нийлүүлэлт баталгаажсан тул Украин одоо АНУ-д үйлдвэрлэсэн “F-16” зэрэг дөрөв дэх үеийн сөнөөгч онгоцонд төвлөрөх болно гэж Украины Батлан хамгаалахын сайдын зөвлөх лхагва гарагт мэдэгдэв.

Герман улс Киевт хүнд танк нийлүүлэхээр төлөвлөж байгаагаа лхагва гарагт зарласан нь Украины хувьд асар их дэмжлэг болохоос гадна энэ асуудлаар олон долоо хоног үргэлжилсэн дипломат мухардалд цэг тавьсан хэрэг болсон юм. Германы мэдэгдлийн дараа Вашингтон мөн Украинд “Abrams” танк нийлүүлэх болсноо зарласан.

Дээрх мэдэгдлүүдийн араас Батлан хамгаалахын сайд Алексей Резниковын зөвлөх Юрий Сак “Дараагийн том саад бол сөнөөгч онгоц байх болно” гэж “Reuters” агентлагт ярьжээ.

Украины Агаарын цэргийн хүчний сөнөөгч онгоцны флот 31 жилийн өмнө Киев тусгаар тогтнолоо зарлахаас ч өмнө үйлдвэрлэгдсэн Зөвлөлтийн үеийн онгоцнуудаас бүрддэг. Эдгээрийг одоо байлдааны онгоцыг таслан зогсоох, Оросын байрлал руу довтлоход ашиглаж байна.

Сак “Хэрэв бид барууны сөнөөгч онгоцтой болчихвол тулааны талбарт асар их давуу талтай болох болно... Бид зүгээр нэг ‘F-16’ (АНУ-ын олон үүрэгт сөнөөгч онгоц) биш, харин дөрөв дэх үеийн нисэх онгоц хүсээд байгаа юм” гэж хэлжээ.

Киевийн хувьд барууны цэргийн дэмжлэг амин чухал бөгөөд энэ талаарх барууны шийдвэр дайны үед хурдацтай өөрчлөгдсөөр байна. Түрэмгийллийн өмнө Украинд зэвсгийн тусламж үзүүлэх санаа хүртэл маргаантай байсан ч барууны нийлүүлэлт олон хоригийг давсаар өнөөг хүрсэн.

“Тэд бидэнд хүнд их буу өгөхийг хүсээгүй, дараа нь тэд өгсөн. Тэд бидэнд ‘Himars’ систем нийлүүлэхийг хүсээгүй, дараа нь тэд өгсөн. Тэд бидэнд танк өгөхийг хүсээгүй, одоо танк өгч байна. Цөмийн зэвсгээс гадна, бидэнд аваагүй зүйл бараг үлдсэнгүй” гэж Сак хэлэв.

Лондон дахь “RUSI” судалгааны төвийн судлаач Жастин Бронк агаар-агаар, агаар-газар ангиллын пуужингийн тал дээр барууны сөнөөгч онгоцнууд тулааны талбарт ихээхэн ашиг тус авчирч магадгүй гэж үзэж байна.

Гэхдээ Оросын газар-агаар ангиллын пуужингаас болж барууны сөнөөгч онгоцнууд фронтын шугамын ойролцоо маш доогуур нисэх хэрэгтэй болох бөгөөд энэ нь пуужингийн үр дүнтэй тусгалын зайг эрс багасгаж, цохилт өгөх боломжийг хязгаарлах болно гэжээ.

Эх сурвалж: Reuters

#онцолсон, #F-16, #АНУ, #сөнөөгч онгоц, #УКраин,

Санал болгох

Лаост зургаа дахь гадаадын жуулчин метанолын хордлогоор нас баржээ

Мэтт Гаетц нэрээ татсаны дараа Трамп Пэм Бондиг ерөнхий прокурорт нэр дэвшүүллээ

Бразилын ерөнхийлөгч асан Болсонаро 2022 онд төрийн эргэлт хийхийг завдсан хэргээр буруутгагджээ