Нидерландын “F-35” сөнөөгч онгоцнууд Оросын цэргийн гурван нисэх онгоцыг Польшийн хилийн ойролцоогоос буцаажээ

Польшийн ойролцоо Оросын цэргийн гурван нисэх онгоц нислэг үйлдсэнийг Нидерландын Батлан хамгаалах яам даваа гарагт мэдэгдэв.

“Үл мэдэгдэх онгоцнууд Калининградын чиглэлээс Польш дахь НАТО-ийн мэдлийн бүсэд ойртсон” гэж яамны мэдэгдэлд дурджээ.

Калининград бол НАТО болон Европын холбооны гишүүн Польш, Литва улсын хооронд оршдог Оросын анклав юм.

Эдгээр онгоцнуудын хариуд Нидерландын хоёр “F-35” сөнөөгч онгоцыг нисгэж, анхааруулга өгснөөр буцаасан байна.

“Дараа нь эдгээр онгоцнууд нь Оросын “Ил-20М Кут-А” болон хоёр “Су-27” байсныг тогтоосон бөгөөд Нидерландын “F-35” онгоцнууд бүрэлдэхүүнийг алсаас дагалдаж, НАТО-ийн холбоотнуудад шилжүүлсэн” гэж яам мэдэгджээ.

Оросын Батлан хамгаалах яам одоогоор тайлбар хийгээгүй байна.

Нидерландын Батлан хамгаалах яамны мэдэгдсэнээр хоёр болон гуравдугаар сард тус улсын найман “F-35” онгоц Польшид байрлаж байгаа аж.

Эх сурвалж: Reuters