Увс, Ховд, Баян-Өлгий аймагт дөрвөн өдөр цахилгаан эрчим хүч хязгаарлана

Өвөлжилтийн бэлтгэл ажлын хүрээнд ОХУ-ын Чадан дэд станцаас тэжээгддэг 110 кВ-ын С-458 цахилгаан дамжуулах агаарын шугамд тус улсад засварын ажил хийгдэх болсон тул наймдугаар сарын 23, 24, 25, 26-ны өдрүүдийн өглөө 06:00 цагаас орой 20:00 цаг хүртэл, таслалт хийх гэж байна. Иймд, дээрх өдрүүдэд Увс, Ховд, Баян-Өлгий аймгийн хэрэглэгчдийг цахилгаан эрчим хүчээр хязгаарлах ба 1-р зэрэглэлийн хэрэглэгчдийг тус бүр 1,5 МВт ачаалалтайгаар Дөргөний УЦС-аас ЦЭХ-ээр ханган ажиллана гэж Баруун Бүсийн Эрчим Хүчний Систем ТӨХК-иас мэдээллээ.

Тодруулбал, Оросын талын засварын ажилтай уялдуулан Монгол талын ЦДАШ-уудад засварын ажил хийгдэх тул ЦЭХ хэрэглэгчдийг зарим өдрүүдэд бүрэн хязгаарлахыг мэдэгджээ.