Сэтгэцийн эрүүл мэндийн бүх төрлийн тусламж, үйлчилгээний төлбөрийг ЭМД-ын сангаас 100 хувь хариуцана

Өнөөдөр Дэлхийн сэтгэцийн эрүүл мэндийн өдөр тохиож байна. Тус өдрийг энэ жил “Сэтгэцийн эрүүл мэнд, сайн сайхан байдлыг дэлхийн нийтийн тэргүүлэх чиглэл болгоцгооё” уриан дор тэмдэглэн өнгөрүүлэхээр болсон.

Хүн бүр бие махбодийн хувьд эрүүл байхаас гадна сэтгэл санааны хувьд ч мөн эрүүл байх нь маш чухал. Тэгвэл ЭМДҮЗ-ийн 2022 оны 01-р тогтоолын хүрээнд сэтгэцийн эрүүл мэндийн бүх төрлийн тусламж, үйлчилгээний зардлын төлбөрийг ЭМД-ын сангаас 100 хувь хариуцана.

Үүнд:

Амбулаторын үзлэг, оношилгоо

Хэвтүүлэн эмчлэх тусламж, үйлчилгээ

Өдрийн эмчилгээ

Эмийн эмчилгээ багтана.

Иргэн та даатгалаа тасралтгүй төлснөөр харьяа өрх, сум, дүүргийн болон улсын эмнэлгүүдээс сэтгэцийн эрүүл мэндийн дээрх тусламж, үйлчилгээг авах бүрэн боломжтой.