Монгол, Тажикистан байгаль орчны чиглэлээр хамтын ажиллагаагаа өргөжүүлнэ

БОУАӨ-ийн сайд Ц.Сандаг-Очир өнөөдөр /2026.08.26/ Тажикстан Улсын Бүгд Найрамдах Тажикистан Улсын Засгийн газрын харьяа Байгаль орчны хамгааллын Хорооны дарга Шерализод Баходур Ахмаджон тэргүүтэй төлөөлөгчдийг өнөөдөр хүлээн авч уулзлаа. 

Бүгд Найрамдах Тажикистан Улсад Ерөнхийлөгч У.Хүрэлсүх  2025 онд Бүгд Найрамдах Тажекстан Улсад төрийн айчлал хийх үеэр  талууд Санамж бичиг байгуулсан.

Энэ хүрээнд Монгол Улсын “Тэрбум мод”, “Хүнсний хангамж, аюулгүй байдал” болон Тажикистан Улсын “Хоёр тэрбум суулгац”, “Хөдөө аж ахуйн тогтвортой хөгжлийн хөтөлбөр-2030” зэрэг үндэсний санаачилгуудыг уялдуулан хамтран хэрэгжүүлэх нь тогтвортой хөгжилд хувь нэмэр оруулах.

Мөн Эрчим хүчний яам хоорондын санамж бичиг байгуулсан бөгөөд энэхүү санамж бичгээр сэргээгдэх эрчим хүч, тэр дундаа усан цахилгаан станцын чиглэлээр хамтарсан төсөл, хөтөлбөр хэрэгжүүлэх замаар хамтын ажиллагаагаа өргөжүүлэхээр тохирсон.

Уулзалтаар талуудын хооронд байгуулсан санамж бичигт тусгасан ажлыг бодит үр дүнд хүргэх, Монгол Улсын мэргэжилтнүүдтэй гидрометеорологийн чиглэлээр туршлага, мэдлэгээ харилцан хуваалцах, COP17 хурлын хэлэлцээг урагшлуулах хэрэгцээ шаардлага зэрэг асуудлаар санал солилцлоо. 

Талууд цаашид хамтын ажиллагаа бэхжүүлж, СОР17 хурлаас гарсан шийдвэрийг үр дүнд хүргэх, цөлжилт, гангийн эрсдэлийг бууруулах, уур амьсгалын өөрчлөлтийг тэглэх чиглэлд хамтран ажиллахаар тохиров.