Гэрэл зургийг MPA.mn

Тулгар төрийн 2235, Их Монгол Улс байгуулагдсаны 820, Үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105, Ардчилсан хувьсгалын 36 жилийн ойн баяр наадмын хүчит бөхийн барилдаан эхэллээ. 

Энэ жилийн наадамд дархан аварга Г.Өсөхбаяр, Н.Батсуурь, улсын аварга П.Бүрэнтөгс, Г.Эрхэмбаяр, О.Хангай нараар магнайлуулсан улс, аймаг, цэрэг, сумын цолтой болон залуу 1024 бөх барилдахаар бүртгүүлжээ. Энэ жилийн наадмын гол онцлог нь анх удаа өнөөдөр буюу долоодугаар сарын 10-нд хүчит бөхийн барилдааныг эхлүүүлж буй явдал юм.

Өнөө жил дархан аварга 2, улсын аварга 3, арслан 7, гарди 5, заан 16, харцага 26, начин цолтой 75 бөх уран мэхээ уралдуулах аж. Тэгвэл улсын цолгүй залуу 70 бөх багтаж, улсын цолтнуудын аманд гарч байна.

Өнөөдөр бөхийн барилдааны нэгийн даваа болж өндөрлөнө. Харин маргааш хоёр болон гурвын даваа болно. Нөгөөдөр буюу энэ сарын 12-нд 4-10-ын даваа болох хуваарьтай байна.