Манай улсад энэ онд 850 мянган жуулчин иржээ

Гэрэл зургийг MPA.mn

Он гарснаас хойш буюу 2025 оны 12 дугаар сар хүртэл нийт 846,103 жуулчин иржээ. Энэ нь өмнөх оны мөн үетэй харьцуулахад 5 хувийн өсөлттэй үзүүлэлт юм. Харин 2025 оны 12 дугаар сард дангаар 38118 жуулчин Монгол Улсад зорин иржээ.

Сарын дүнгээр авч үзвэл 2025 оны аялал жуулчлалын урсгал нь улирлын хэлбэлзэлтэй боловч зуны саруудад оргилдоо хүрч, долоо, наймдугаар сард хамгийн өндөр үзүүлэлттэй байв. 2024 онтой харьцуулахад 2025 онд ихэнх саруудад жуулчдын тоо өссөн нь зах зээлийн сэргэлт, олон улсын сурталчилгаа, эвент арга хэмжээ, нислэгийн хүртээмж нэмэгдсэнтэй холбоотойг харуулж байна гэж Аялал жуулчлалын мэргэжлийн холбооноос мэдээллээ.