Монголбанкны ерөнхийлөгчөөр С.Наранцогтыг томилох уу

УИХ дахь МАН-ын бүлгийн /2025.11.24/ хуралдаанд Монголбанкны ерөнхийлөгчөөр “Эрдэнэс Монгол” ХХК-ийн гүйцэтгэх захирал С.Наранцогтыг томилох санал гаргасныг гишүүд дэмжсэн. Учир нь Монголбанкны ерөнхийлөгч Б.Лхагвасүрэнгийн бүрэн эрхийн хугацаа дуусгавар болж байгаа тул шинэ ерөнхийлөгчийг томилох шаардлага үүссэн байгаа. 

МАН-ын Удирдах зөвлөл өчигдөр хуралдаж, хэд хэдэн томилгоог хэлэлцсэний дотор дээрх асуудал багтжээ. 

С.Наранцогт нь Сангийн яамны Төрийн нарийн бичгийн даргаар ажиллаж байгаад 2022 оны арваннэгдүгээр сард “Эрдэнэс Монгол” ХХК-ийн гүйцэтгэх захирлаар томилогдсон юм.

С.Наранцогт 2022 онд “Эрдэнэс Монгол” нэгдлийн гүйцэтгэх захирлаар томилогдох үед толгой компанийн өр төлбөр 514 тэрбум төгрөг хүрээд байв.

Хоёр жилийн дотор:

•    Өрийг бүрэн барагдуулсан
•    Зардлын хяналтыг чангаруулсан
•    Төлөвлөлт, санхүүгийн сахилга батыг шинэ шатанд гаргасан

Энэ бол амлалт биш, бодит үр дүн.
Уул уурхайн салбарын хамгийн том корпорацийг богино хугацаанд удирдлагаар нь эрүүлжүүлсэн нь түүний санхүүгийн удирдлагын ур чадварыг тод харуулсан аж.

Үндэсний баялгийн сангийн тухай хууль хэрэгжиж эхлэхэд хамгийн чухал нь бодит эх үүсвэр, хуримтлал байсан.

С.Наранцогт энэ ажлыг гардан хийж:

•    “Хуримтлалын сан”-д 500 тэрбум төгрөг төвлөрүүлсэн
•    10,000 өрхийн орон сууцны санхүүжилт шийдвэрлэсэн
•    Баялгийн сангийн санхүүжилтийн загварыг олон улсын түвшинд боловсруулсан

Энэ бол санхүүгийн сахилга бат + стратегийн төлөвлөлтийн хослол.

362-р тогтоол – Валютын нөөцийг аварсан шийдвэр

Эдийн засаг хүндэрч, валютын нөөц унаж байсан үед С.Наранцогт Дэд сайдаар ажиллаж байв.

Тэр:

•    Гадаад валютын улсын нөөцийг нэмэгдүүлэх Засгийн газрын 362-р тогтоолыг санаачилсан
•    Уул уурхайн экспортыг нэмэгдүүлэх шийдвэрүүдийг гаргасан
•    Тээвэр, ложистикийн гацааг шийдсэн
•    “Off-take” далд өр үүсгэдэг гэрээнүүдийг цэгцэлсэн

Энэ нь Монгол Улсын макро тогтвортой байдалд шийдвэрлэх нөлөөтэй алхам болсон билээ.