Галт зэвсэг, түүнтэй адилтгах хэрэгслийн улсын үзлэг, тооллого болно

Гэрэл зургийг MPA.mn

Иргэн та галт зэвсэг, галт зэвсэгтэй адилтгах хэрэгсэл эзэмшдэг үү?

Хэрэв тийм бол “Зэвсэг-2025” буюу энэ оны галт зэвсэг, түүнтэй адилтгах хэрэгслийн улсын үзлэг, тооллогыг 2025 оны 11 дүгээр сарын 4-ний өдрөөс 30 хоногийн хугацаатай зохион байгуулах гэж байна.

Иймд иргэн, хуулийн этгээд та өөрийн эзэмшилд байгаа галт зэвсгээ харьяа аймаг, дүүргийн цагдаагийн байгууллагад бүртгэлээ хийлгэж, хууль ёсны эзэмшигч гэдгээ баталгаажуулаарай.

Мөн бүртгэлгүй, эх сурвалж нь тодорхойгүй галт зэвсгээ энэ арга хэмжээний хугацаанд амжиж бүртгэлжүүлвэл торгуулийн арга хэмжээ тооцохгүй аж.

Хэрэв та заагдсан хугацаанд галт зэвсэг, түүнтэй ажилтгах хэрэгслээ бүртгүүлээгүй бол Зөрчлийн тухай хуулийн 5.6 дугаар зүйлийн 11 дэх хэсэгт заасны дагуу хариуцлага тооцохыг цагдаагийн байгууллагаас анхааруулж байна.