Шинэ Зеланд: Төрийн 100 мянган албан хаагч ажил хаялаа

Шинэ Зеландын  багш, сувилагч, төрийн албан хаагч тэргүүтэй 100,000  хүн ажил хаяж, эрүүл мэнд, боловсрол болон төрийн үйлчилгээний санхүүжилт, нөхцөлийг сайжруулахыг шаардлаа. Энэхүү томоохон ажил хаялтад сургуулийн ажилтнууд, багш нар, сувилагч болон эмнэлгийн мэргэжилтнүүд, төрийн албан хаагчид нэгдээд байна. Тэд бага цалин, их ачаалал, ажлын аюултай орчин, үйлчилгээний хүртээмж муу зэрэг нөхцөл байдлыг өөрчлөхийг шаардаж буй. 

Мөн нийтийн үйлчилгээний салбарт ажиллах боловсон хүчин дутмаг байгаагаас нэг алба хаагчид ирж буй ачаалал их, үүнээс үүдээд хүний нөөцийн шилжилт хөдөлгөөн их байгааг ч мэргэжилтнүүд онцолж байна. 
Харин эрх баригчид жагсаалыг улс төрийн зорилготой гэж мэдэгдсэн бол ард иргэдийн дийлэнх нь буюу 65 хувь нь ажил хаялтыг дэмжиж байгаа юм. 

Эх сурвалж: The Guardian