ФОТО: Олон жил ханилсан буурлуудын "АЛТАН ХУРИМ", "ОЧИР ЭРДЭНИЙН ХУРИМ" ёслолын арга хэмжээ боллоо

Ахмадын баярыг угтан олон жил ханилсан буурлуудын "АЛТАН ХУРИМ", "ОЧИР ЭРДЭНИЙН ХУРИМ" ёслолын арга хэмжээ Гэрлэх ёслолын ордонд боллоо.

Хуримын сартай холбогдуулан та бүхэнд орон оронд ямар ямар хурим байдаг талаар сонирхолтой мэдээллийг хүргэе.

Сарнайн хурим өдөр: Гэрлэлтээ бүртгүүлснээс хойш 10 жилийн дараа тэмдэглэнэ. Мэдээж сарнай бэлэглэнэ.

Шилэн хурим: 15 жилийн дараа тэмдэглэнэ. Хосуудын харьцаа шил мэт тунгалаг байхыг бэлэгдэж зөвхөн шилэн эдлэл бэлэглэнэ.

Шаазан хурим: 20 жилийн дараа тэмдэглэнэ. Шинэхэн шаазан сав суулга, идээ зууш бэлтгэнэ. 

Мөнгөн хурим: 25 жилийн дараа сүй тавьсан алтан бөгжтэй зэрэгцүүлэн мөнгөн бөгж зүүдэг.

Сувдан хурим: 30 жилийн хамтын амьдралын дараа нөхөр нь эхнэртээ 30 сувдтай, сувдан хэлхээ бэлэглэнэ.

Бадмаараг хурим: Хамтын амьдралын 40 дэх жилд тэмдэглэнэ.

Алтан хурим: 50 жилийн дараа тэмдэглэж, гэрлэлтийн бөгжөө шинэчилдэг.

Бриллиантан хурим: 60 жилийн дараа тэмдэглэнэ.

Өнөр баян хурим: 70 жил амьдарсан хосын баяр.

Хаан хурим: Насан эцэслэтлээ хамт амьдарч, 75 жилийн ойн дээрээ л хуримыг тэмдэглэдэг гэнэ.

Гэрэл зургийг MPA.mn