Хөвсгөл, Сэлэнгэ аймагт гарсан ойн түймэрт 173 га орчим талбай өртжээ

Өнгөрсөн амралтын өдрүүдэд ойн түймрийн хоёр тохиолдол бүртгэгджээ. Тодруулбал,

Хөвсгөл аймгийн Цагааннуур сумын Гурвансайхан багийн ''Морогийн-Ар'' гэдэг газар /аймгийн төвөөс  зүүн хойд зүгт 252 км-т, сумын төвөөс 45 км-т/ ойн гал түймэр гарсан тухай дуудлагыг 09.18-ны өдрийн 08:40 цагт хүлээн авсан. Тус аймгийн Онцгой байдлын газрын алба хаагчид, Цагааннуур, Ренчинлхүмбэ сумын Мэргэжлийн ангийнхан ажиллаж мөн өдрийн 17:14 цагт цурманд оруулсан. Уг гал түймэрт урьдчилсан байдлаар 170 га ойн талбай шатсан.

Сэлэнгэ аймгийн Шаамар сумын Дэлгэрхаан багийн “Тулт гуу” гэдэг газар /аймгийн төвөөс урд зүгт 30 км-т, сумын төвөөс зүүн хойд зүгт 47 км-т/ ойн гал  түймэр гарч байна гэсэн дуудлагыг 14:00 цагт хүлээн авсан. Сэлэнгэ аймгийн Онцгой байдлын газрын алба хаагчид, “Тужийн нарс” байгалийн цогцолборт газрын хамгаалалтын захиргааны  ажилтнууд ойн гал түймрийг унтраахаар ажиллаж 16:51 цагт цурманд оруулсан бөгөөд 18:46 цагт бүрэн унтраасан. Уг гал түймэрт 3 орчим га ойн талбай өртөж шатсан.