Ардчилсан намын даргын сонгуульд нэр дэвшигчид тодорлоо

Ардчилсан намын даргын сонгуульд нэр дэвшигчдийн бүртгэл өнөөдөр 18:00 цагт дууслаа. Өчигдөр /2025.08.28/ хуралдсан АН-ын Үндэсний бодлогын хорооны хурлаас сонгогдсон дотоод сонгуулийн хорооны гишүүд 2023 оны нэгдүгээр сарын 13-нд батлагдсан журмын дагуу үйл ажиллагаагаа явуулж байна. Журмын дагуу нэр дэвшигчид бүртгэлээ хийлгэж, батламжид гарын үсэг зурж, хэвлэл мэдээллийн байгууллагуудаар дамжуулан өөрийн байр сууриа гишүүд, дэмжигчдэдээ илэрхийллээ. 

“Эрх чөлөө-Эргэлтийн цаг” уриатай Ардчилсан намын даргын сонгуульд өрсөлдөх нэр дэвшигчид бүртгүүлсэн бөгөөд журмын дагуу шаардлага хангасан нэр дэвшигчдэд үнэмлэх олгоно.  Нэр дэвшигчдийг бүртгүүлсэн дарааллаар танилцуулж байна.

Одонгийн ЦОГТГЭРЭЛ УИХ-ын гишүүн  

Мэргэжил: Эдийн засаг

Сонгуульт албан тушаал: 2009 он Ардчилсан намын гишүүн  2013 оноос  АН-ын ҮЗХ, ҮБХ-ын гишүүн  2014-2017 он Увс аймгийн Ардчилсан намын дарга  2017 оноос  АН-ын Улс төрийн зөвлөлийн гишүүн

Бөхчулууны ПҮРЭВДОРЖ УИХ-ын Дэд дарга  

Мэргэжил: Эрх зүйч

Сонгуульт албан тушаал:  2009 он Ардчилсан намын гишүүн  2009-2012 он Ховд аймгийн намын дарга  2019-2020 он Ардчилсан намын дэд дарга  

Жудагийн БАЯРМАА УИХ-ын гишүүн

Мэргэжил: Олон улсын харилцаа, Эрх зүйч , Англи, орос хэлний багш  

Сонгуульт албан тушаал:  2008 он Ардчилсан намын гишүүн  1998-2002 он  МҮАН-ын Шинэ үе Ардчилсан залуучуудын холбоо нарийн бичгийн дарга  2001-2005 он Ардчилсан намын гишүүн  

Бархүүгийн ОТГОНБАТ Ардчилсан намын ҮБХ-ны гишүүн  

Мэргэжил: Боловсролын ухааны доктор  

Сонгуульт албан тушаал:  2007 он Ардчилсан намын гишүүн  2007 оноос АН-ын Үндэсний бодлогын хорооны гишүүн  

АН-ын даргын сонгуульд нэр дэвшигчийн үнэмлэхээ гардан авч, маргааш буюу наймдугаар сарын 30-нд 20:00 минутад NTV телевизээр мэтгэлцэж, 31-нд Үндэсний бодлогын хорооны гишүүдэд мөрийн хөтөлбөрөө танилцуулж, гишүүдийн саналаар Ардчилсан намын дарга сонгогдох юм.  

Ардчилсан намын даргын сонгуульд нэр дэвшигчдэд батламж гардуулна

Өнөөдөр Ардчилсан намын даргын сонгуульд нэр дэвшигчид хүсэлтээ ҮБХ-ны дотоод сонгуулийн хороонд өгсөн. Хүсэлтүүдийг 18.00 цаг хүртэл авсан. 

Ардчилсан намын даргын сонгуульд нэр дэвшигчдийг батламжлах, бүртгэхтэй холбоотой асуудлаар Дотоод сонгуулийн хорооноос 20:00 цагаас мэдээлэл хийхээр товлолоо.

Мөн үеэр нэр дэвшигчдэд батламж гардуулах аж. 

АН-ын гишүүн Б.Отгонбат Ардчилсан намын даргын сонгуульд нэр дэвших хүсэлтээ өглөө

АН-ын гишүүн Б.Отгонбат Ардчилсан намын даргын сонгуульд нэр дэвших хүсэлтээ ҮБХ-ны дотоод сонгуулийн хороонд өглөө. 

УИХ-ын гишүүн Ж.Баярмаа Ардчилсан намын даргын сонгуульд нэр дэвших хүсэлтээ өглөө

УИХ-ын гишүүн Ж.Баярмаа Ардчилсан намын даргын сонгуульд нэр дэвших хүсэлтээ ҮБХ-ны дотоод сонгуулийн хороонд өглөө. 

УИХ-ын гишүүн Ө.Шижир Ардчилсан намын даргын сонгуульд нэр дэвших хүсэлтээ өглөө

УИХ-ын гишүүн Ө.Шижир Ардчилсан намын даргын сонгуульд нэр дэвших хүсэлтээ ҮБХ-ны дотоод сонгуулийн хороонд өглөө.

УИХ-ын дэд дарга Б.Пүрэвдорж Ардчилсан намын даргын сонгуульд нэр дэвших хүсэлтээ өглөө

УИХ-ын дэд дарга Б.Пүрэвдорж Ардчилсан намын даргын сонгуульд нэр дэвших хүсэлтээ ҮБХ-ны дотоод сонгуулийн хороонд өглөө.