ДЭЛХИЙН МЭДЭЭ

Уур амьсгалын өөрчлөлтийг эсэргүүцэгчид “Louis Vuitton”-ы загварын шоун дээр үймээн дэгдээжээ

Парисын загварын долоо хоногийн үеэр “Extinction Rebellion” уур амьсгалын идэвхтнүүд “Louis Vuitton”-ны шоуны үеэр үймээн дэгдээжээ. Тэд загварын салбарын байгаль орчинд үзүүлэх нөлөөг буруутгасан утга бүхий лоозон барьсан байв.

Загварын шоуг үймүүлсэн эмэгтэй “Хэт их хэрэглээ = мөхөл” гэсэн бичиг барьсан бөгөөд Францын “Amis de la Terre”, “Youth for Climate” болон “Extinction Rebellion” бослогуудыг төлөөлжээ. Тэрээр Луврын урлагийн галерейд загвар өмсөгчдийг алхаж байхад тайз руу гарч, удалгүй хамгаалалтын ажилтнууд түүнийг баривчилсан байна. Энэхүү явдал нь загвар өмсөгчдийн урсгалыг бараг тасалдуулаагүй бөгөөд шоу хэвийн үргэлжилжээ. “Louis Vuitton”-ы шоунд ханцуйг нь урсан хүрэм, хадаастай гутал, гинжин толгойн гоёл зэргийг танилцуулсан бөгөөд шоу өөрөө панк хэв маягтай болсон байна.

An activist walks on the ramp with a banner that says "Overconsumption = Extinction" as she crashes the designer Nicolas Ghesquiere Spring/Summer 2022 women's ready-to-wear collection show for fashion house Louis Vuitton during Paris Fashion Week in Paris, France, October 5, 2021. REUTERS/Gonzalo Fuentes

“Extinction Rebellion”, “Amis de la Terre”, “Youth for Climate” мэдэгдэлдээ жагсаалыг зохион байгуулахад 30 орчим хүн оролцсоны хоёрыг нь баривчилсан гэжээ. Түүнчлэн 2019 онд Францын хүн бүр 42 нэр төрлийн хувцас худалдаж авсан нь энэ салбарын үйлдвэрлэлийн түвшинг нэн даруй бууруулах шаардлагатайг харуулж байна гэв.

Security personnel remove an activist belonging to the 'Les Amis de la Terre France' or 'Friends of the Earth - France' , who crashed the designer Nicolas Ghesquiere Spring/Summer 2022 women's ready-to-wear collection show for fashion house Louis Vuitton during Paris Fashion Week in Paris, France, October 5, 2021. REUTERS/Gonzalo Fuentes

Францын “Amis de la Terre”-ийн төлөөлөгч “Reuters” агентлагт хэлэхдээ “LVMH бол дэлхийн тансаг хэрэглээний тэргүүлэгч, тиймээс хувцас загварын үйлдвэрлэл байнга шинэчлэгдэж, хурдан хугацаанд илүү ихийг үйлдвэрлэж буй чиг хандлагад хариуцлага хүлээх ёстой” гэжээ.

Эх сурвалж: Reuters

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet