Туул голд осолдсон 11 настай хүүг олжээ

Өнгөрсөн долоо хоногт 9-12 насны арван хүүхэд Туул гол тоглож байгаад нэг нь живсэн харамсалтай хэрэг гарч, осолдсон хүүг эрэн хайж байсан юм. 11 настай хүүг олсон талаар ОБЕГ-аас мэдээллээ. Тодруулбал,

Хан-Уул дүүргийн 8 дугаар хороонд хүүхэд “Туул” голд живсэн гэсэн дуудлагыг 08.12-ны өдрийн 16:28 цагт хүлээн авсан. 

Нийслэлийн Аврах анги, Хан-Уул дүүргийн Цагдаагийн хэлтсийн алба хаагчид, ар гэрийнхэн Б /11 настай, эрэгтэй/-г уснаас эрэн хайх ажиллагааг зохион байгуулж, нийт 187 удаагийн шумбалт хийж цогцсыг Сонсголонгийн гүүрнээс баруун зүгт 13 км зайд “Улаан худаг” гэдэг газраас 08.18-ны өдрийн 17:07 цагт олж, Хан-Уул дүүргийн Цагдаагийн 2 дугаар хэлтэст шилжүүлэн өгсөн байна.