Эдийн засаг, хөгжлийн сайд Н.Учрал: Хөгжлийн банкны ТУЗ-д шахааны хүн томилохгүй

Монгол Улсын Шадар сайд, Эдийн засаг хөгжлийн сайд Э.Учрал Хөгжлийн банканд ажиллалаа. 

Солонгосын хөгжлийн банк (Korea Development Bank) нь дефолт болсон зээлийн эргэн төлөлтийг 3 жилийн дотор 90%-д хүргэсэн байдаг. Финляндын хөгжлийн банк өнөөдрийн Nokia-г бий болгож чадсан. 
Энэ жишгээр 2024 онд УИХ-аар Засгийн газрын үйл ажиллагааны хөтөлбөрийг батлахдаа Монгол улсын Хөгжлийн банкийг Экспорт, импортын банк болгохоор тусгасан. 

Энэ хүрээнд Хөгжлийн банканд ажиллаж:

- Чанаргүй зээлийн эргэн төлөлтийг эрчимжүүлэх

- ТУЗ-ийн гишүүнд шахааны хүн томилохгүй. Азийн хөгжлийн банк, Дэлхийн банк, Европын сэргээн босголт, хөгжлийн банк зэрэг олон улсын байгууллагаас төлөөлөл оруулах урилга хүргүүлэх

- Арилжааны банктай өрсөлдөж түр зуурын санхүүжилтээс татгалзах, эдийн засагт үр өгөөжтэй, том төслүүдийг санхүүжүүлэх

- Санхүүжүүлэх төслийг эрэмбэлж, УИХ-д танилцууулах

- Банкны үйл ажиллагаа, зээл, төслийн мэдээллийг нээлттэй ил тод болгох

- Засаглалыг сайжруулж, улс төрийн нөлөөнөөс салгаж, нээлттэй сонгон шалгаруулалт хийх

- Статус, хууль эрх зүйн орчныг сайжруулахдаа олон нийтээс санал авах зэрэг шаардлагатай арга хэмжээ авч хэрэгжүүлэхийг үүрэг болголоо.