COVID-19

БНХАУ ковидын анхны тохиолдол бүртгэгдэхээс хэдэн сарын өмнө PCR-ын төхөөрөмжийг их хэмжээгээр худалдан авчээ

Ухань дахь Хятадын лабораториуд 2019 оны арванхоёрдугаар сард ДЭМБ-д цар тахлын талаар мэдээллэхээс хэдэн сарын өмнө коронавирусийн шинжилгээний (PCR) хэрэгслийг нэмэгдсэн тоогоор худалдаж авчээ.

Австрали, АНУ-ын кибер аюулгүй байдлын ‘Internet 2.0” фирмээс олж авсан шинэ мэдээллээс үзэхэд 2019 оны турш полимеразын гинжин урвалын туршилтын PCR-ын төхөөрөмжийг бараг 50 хувиар нэмэгдсэн хэмжээгээр худалдаж авсан байна. PCR нь Ковид-19-өөр халдварласан эсэхийг шинжлэхээс гадна ДНХ-ийн дээжийг олшруулж, өвчин эсвэл бусад генетикийн материалыг шалгах боломжийг олгодог.

Шинэ судалгааны дагуу, 2019 онд Ухань дахь лаборатори PCR-ын тоног төхөөрөмжтэй холбоотой 135 гэрээ хийсэн бол энэ тоо 2018 онд 89, 2017 онд 72 байжээ. Цаашилбал, Ухань хотын PCR-ын тоног төхөөрөмжийн хөрөнгө оруулалт 2015-2019 он хүртэл 600 орчим хувиар өссөн байна. Худалдан авалт 2019 оны тавдугаар сараас нэмэгдэж эхлээд долдугаар сард дээд хэмжээнд хүрчээ.

Шинжээчдийн үзэж байгаагаар энэхүү мэдээлэл нь Хятадын эрх баригчид коронавирусийн дэгдэлтийг арванхоёрдугаар сараас өмнө мэдэж байсан эсвэл Ухань лабораторид вирус судлалын болон тахлын судалгаанд ихээхэн анхаарал хандуулж байсныг харуулж магадгүй юм.

Мөн засгийн газрын түвшинд Ардын чөлөөлөх арми (PLA), Өвчний хяналтын төв, Хубэй муж дахь лабораториуд ихээхэн хэмжээний худалдан авалт хийсэн байна. Тухайн үед АНУ-ын Үндэсний тагнуулын газрын захирал асан Жон Ратклифф Ухань хотод PCR-ын тоног төхөөрөмжийн худалдан авалт нэмэгдсэн талаар хэвлэлд ярьж байжээ.

Гэхдээ зарим шинжээчид ийм дүгнэлт хийхэд “Internet 2.0”-ын тайлан хангалттай биш гэж үзэж байна, учир нь PCR-ын шинжилгээг хүн болон амьтнаас олдсон бусад эмгэг төрүүлэгчдийг шалгахад ашиглаж болно гэж “Bloomberg” мэдээлэв. БНХАУ-ын Гадаад хэргийн яам даваа гарагт хийсэн мэдэгдлээрээ уг таамгийг няцааж, коронавирусийн гарал үүслийн талаарх бусад хуурамч заргатай ижил гэж “Bloomberg”-т ярьжээ.

Эх сурвалж: News Week

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet