О.Цэрэндондог: “Эрдэнэс Тавантолгой” ХК нүүрсийг зөвхөн биржээр арилжаалдаг, ямар нэг нууц гэрээгээр зарсан зүйл байхгүй

“Эрдэнэс Тавантолгой” ХК-ийн Борлуулалтын газрын дарга О.Цэрэндондог цаг үеийн асуудлаар мэдээлэл өглөө. 

Оны эхний хагас жилийн байдлаар 13.8 сая тонн нүүрс олборлож, 10.2 сая тонн нүүрс экспортод гаргасан байна. 
“Эрдэнэс Тавантолгой” ХК нь 2023 оны 2 дугаар сараас эхлэн нүүрсийг зөвхөн Монголын хөрөнгийн биржээр дамжуулан нээлттэй, ил тод байдлаар  биржээр, хил нөхцөлөөр худалдаалж байна. 

Нүүрсийг хил нөхцөлөөр борлуулах, валютын орох урсгалыг нэмэгдүүлэх бодлогын хүрээнд Биржийн арилжаа эхэлснээс хойш оны эхний хагас жилийн байдлаар  нийт 135 удаагийн арилжааг амжилттай зохион байгуулж 26.3 сая тонн нүүрсийг үнэ өсгөх зарчмаар биржээр арилжаалаад байна.