Хязаалан насны морьдын уралдаанд Б.Баярбямбын хээр алаг, туухай зүсмийн хязаалан түрүүллээ

Нийслэл Улаанбаатар хотын иргэдийн өдөр “Хүрээ цам-Даншиг наадам 2025” шашин, соёлын наадмын хурдан морины уралдаан хязаалангийн уралдаанаар үргэлжилж байна. Хязаалан насны уралдаанд нийт 88 хурдан морь бүртгүүлснээс 77 нь гарааны зурхайгаас хөдөлсөн юм. 

Ийнхүү Ховд аймгийн Зэрэг сумын Б.Баярбямбын хээр алаг, туухай магнайдаа тоосгүй өнгөллөө. Харин аман хүзүүнд Архангай аймгийн Эрдэнэбулган сумын Д.Бэхбатын хар, саран дэвсгэртэй загастай дөл, айргийн гуравт Архангай аймгийн Ихтамир сумын Л.Энхбаярын хонгор сар, айргийн дөрөвт Төв аймгийн Жаргалант сумын Г.Алтансүхийн цоохор загас, айргийн тавд Б.Сүхбаатарын зээрд халзан, алхтай сар зүсмийн хязаалан тус тус хурдаллаа.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС