Европын физикийн IX олимпиадаас Монгол Улсын баг бүрэлдэхүүн мөнгөн медаль хүртлээ

2025 оны 06 дугаар сарын 13-наас 17-ны өдрүүдэд Болгар улсын Софи хотод зохион байгуулагдсан Европын физикийн IX олимпиадад 40 орны 200 орчим сурагчид, 100 орчим багш, дасгалжуулагч нар оролцон, мэдлэг чадвараа уралдууллаа.   

Монгол улсаас 5 сурагч оролцож 1 МӨНГӨ, 1 ШАГНАЛТ байр эзэлсэн түүхэн амжилт үзүүллээ. Тодруулбал,

- Дархан-Уул аймаг, Од сургуулийн 11–р ангийн сурагч Г.Амармэнд МӨНГӨН МЕДАЛЬ, 
- Улаанбаатар хот, Сант сургуулийн 10-р ангийн сурагч Г.Чойдэлгэр ШАГНАЛТ БАЙР-нд шалгарлаа.  

Багийн ахлагчаар МУИС-ийн багш доктор, дэд профессор Г.Мөнхбаяр, Дасгалжуулагч багш УФО-ын хорооны дарга М.Ганбат нар ажиллалаа гэж Боловсролын ерөнхий газраас мэдээлэв.