"Улаанбаатар хотыг 14 хот болгох нь Үндсэн хууль зөрчсөн шийдвэр тул хуулийг чандлан сахиулж өгнө үү хэмээн ҮХЦ-д хандаж байна"

Улаанбаатар хотыг 14 хот болгохтой холбоотой асуудлаар Үндсэн хуулийн цэцэд хандаж байгаа талаараа иргэн Д.Үүрцайх, Т.Золбоот, Ц.Лут-Очир нар мэдээлэл өглөө. 

Тэд ҮХЦ-д хандаж: Хот, тосгоны эрх зүйн байдлын тухай хууль /Шинэчилсэн найруулга/ нь үзэл баримтлалын хувьд бүхэлдээ Үндсэн хуулийг зөрчсөн агуулгатай, мөн хуулийн дээр оршил хэсэгт дурдагдсан заалтууд Үндсэн хуулийн холбогдох заалтуудыг зөрчсөн, уг хуулийг хэрэгжүүлэх зорилгоор баталсан УИХ-ын 2024 оны 06 дугаар сарын 05-ны өдрийн 72 дугаар тогтоол бүхэлдээ Үндсэн хуулийн холбогдох заалтуудыг зөрчсөн болохыг тогтоож, зохих дүгнэлийг гаргаж, Үндсэн хуулийн нутгийн удирдлагын асуудлыг зохицуулсан үндсэн бүтэц, суурь үзэл баримтлалд хамаарах нутгийн өөрөө удирдах ёсыг хамгаалж, Үндсэн хуулийг чандлан сахиулж өгнө үү хэмээх хүсэлтийг тавьж буй аж. 

Гэрэл зургийг MPA.mn