Европын Охидын Математикийн Олимпиадаас манай сурагчид гурван хүрэл, нэг тусгай байрын шагнал хүртлээ

Европын Охидын Математикийн Олимпиадыг математикийн чиглэлээр авьяас чадвартай охидыг дэмжих, хөгжин дэвших нөхцөл бололцоогоор хангах зорилгоор 2012 оноос хойш тасралтгүй зохион байгуулж байгаа билээ. Энэхүү нэр хүндтэй олимпиадад манай улс 4 удаа оролцож 2 мөнгө, 10 хүрэл медаль хүртжээ.

Европын Охидын Математикийн 14 дүгээр Олимпиад Бүгд Найрамдах Косово улсын нийслэл Приштина хотод 2025 оны 4 дүгээр сарын 11-17 өдрүүдэд зохион байгуулагдав. Энэ удаагийн олимпиадад 55 орны 229 охид оюун ухаанаа сорин уралдлаж, дүнгээ гаргалаа. 

Манай баг 3 хүрэл медаль, 1 тусгай шагнал авч, нийт 56 улсаас 33 дугаар байр эзэллээ. 

- Наранбаатарын Болор Хүрэл медаль /Эрдмийн хишиг сургууль/
- Анхбаярын Мишээл Хүрэл медаль /Орчлон сургууль/
- Алтангэрэлийн Ану Хүрэл медаль /Нийслэлийн ЕБ-ын 11-р сургууль/
- Бандийн Оюунбилиг Тусгай байр /Хархорин ЕБ-ын Гүнзгий сургууль/ 

Багийн ахлагч Т.Хулан, дэд ахлагч С.Цогзолмаа нар ажиллалаа. 

Уг олимпиадад оролцогч нар 2 өдрийн турш тус бүр 3 бодлогыг 4 цаг 30 минутын хугацаанд бодож өрсөлдсөн юм.