Төв аймгийн Мөнгөнморьт суманд гарсан хээрийн түймрийг унтраахаар ажиллаж байна

Төв аймгийн Мөнгөнморьт сумын Жаргалант багийн "Дунд Баян" гэдэг газар /аймгийн төвөөс зүүн зүгт 212 км, сумын төвөөс баруун хойд зүгт 18 км/-т  өнөөдөр /2025.03.20/ 14:00 цагт гарсан хээрийн түймрийн дуудлагаар аймгийн Онцгой байдлын газрын Мөнгөнморьт сум дахь Гал түймэр унтраах, аврах 75 дугаар ангийн алба хаагчид ажиллаж байна.

Хаврын хуурашилттай энэ өдрүүдэд иргэн бүр, айл, өрх бүхэн ой, хээрийн түймрийн аюулаас урьдчилан сэргийлэх арга хэмжээг хэрэгжүүлэхийг зөвлөж байна.
”Түймрийн аюултай үе” буюу ой, хээрийн түймэр гарах байгалийн нөхцөл бүрдсэн хуурайшилт бүхий цаг хугацааг жил бүрийн гуравдугаар сарын 20-ноос зургаадугаар сарын 10 хүртэлх хугацаа хэлдэг учир сонор, сэрэмжтэй байхыг онцгойлон анхааруулж байна.

Эх сурвалж: ОБЕГ