Нийгмийн даатгалын үндэсний зөвлөлийн гишүүний Нээлттэй сонгон шалгаруулалт зарлаж байна

Нийгмийн даатгалын ерөнхий хуулийн 35 дугаар  зүйлийн 35.1.2 “Даатгуулагчийг төлөөлж даатгуулагчийн олонхын эрх хууль ёсны ашиг сонирхлыг хамгаалсан үйлдвэрчний эвлэлээс 3 хүн байна”, Нийгмийн даатгалын үндэсний зөвлөлийн гишүүнийг нээлттэй сонгон шалгаруулах журмын 2.1.2 “Даатгуулагчийг төлөөлж Даатгуулагчийн эрх хууль ёсны ашиг сонирхлыг хамгаалсан үйлдвэрчний эвлэл” гэсэн заалтуудыг тус тус үндэслэн Нийгмийн даатгалын үндэсний зөвлөлийн даатгуулагчийг төлөөлөн ажиллах гишүүний нээлттэй сонгон шалгаруулалтад урьж байна.

Нийгмийн даатгалын үндэсний хорооны гишүүний сонгон шалгаруулалтад оролцогчид дараах шаардлагыг хангасан байна.   

-        Монгол улсын иргэн байх

-        Хууль эрх зүй, санхүү, эдийн засаг, удирдахуйн ухаан, хөдөлмөр нийгмийн хамгааллын чиглэлээр бакалавр ба түүнээс дээш боловсрол эзэмшсэн мэргэжлээрээ 5-аас доошгүй ажил ажилласан байх

-        Хугацаа хэтэрсэн нийгмийн даатгалын шимтгэлийн өр төлбөргүй байх, бүх төрлийн тэтгэвэр авагч хамаарахгүй

-        Хувь хүний ёс зүй, нэр хүнд нь Үндэсний зөвлөлийн үйл ажиллагаанд сөргөөр нөлөөлөхгүй байх

-        Нийтийн албанд нийтийн болон хувийн ашиг сонирхлыг зохицуулах ашиг сонирхлын зөрчлөөс урьдчилан сэргийлэх тухай хуульд заасан албан үүрэг гүйцэтгэхтэй холбогдсон хориглолт хязгаарлалттай зөрчилдөхгүй байх

-        Эрүүгийн хуульд заасан авлига албан тушаалын хэрэг үйлдэж шүүхээр ял шийтгүүлж байгаагүй байх

-        Монголын үйлдвэрчний эвлэлийн холбооны гишүүн байх

 Дээрх шаардлагыг хангасан үндэсний хорооны гишүүний сонгон шалгаруулалтад оролцогч дараах бичиг баримтыг бүрдүүлж ирүүлнэ.

-        Төрийн албан хаагчийн анкет

-        Боловсролын түвшин тодорхойлсон баримт бичгийн эх хувийг нотариатаар гэрчлүүлсэн хувь /гадаадад их дээд сургууль төгссөн бол баталгаат орчуулгын хамт/

-        Үндэсний зөвлөлийн гишүүнээр ажиллах зорилго хийх ажил өөрийн мэдлэг ур чадвараа илэрхийлсэн хүсэлт

-        Иргэний үнэмлэхний хуулбар

-         Нийгмийн даатгалын шимтгэл төлөлтийн лавлагаа /хувь хүн өөрийн болон төлөөлсөн байгууллагын/

-         Цээж зураг /4x3 хэмжээтэй 2 хувь/ 

Сонгон шалгаруулалтад оролцогчдын материалыг 2024 оны 12 дугаар сарын 10-ны өдрийн 09:00 цагаас 12 дугаар сарын 27-ны өдрийн 17:00 цаг хүртэл Монголын Үйлдвэрчний Эвлэлийн холбооны ажлын албанд бичгээр болон info@cmtu.mn, cmtupress@gmail.com  цахим хаягаар дамжуулан ирүүлнэ үү.

Холбоо барих

• Цахим шуудангийн хаяг: info@cmtu.mn
• Холбоо барих утас: 976-70127440, 70112128

Монголын Үйлдвэрчний Эвлэлийн Холбоо