СЭЛЭНГЭ: Намрын ургац хураалт дуусах шатандаа явж байна

Гэрэл зургийг MPA.mn

Өнөөдрийн байдлаар Сэлэнгэ аймгийн хэмжээнд үр тарианы хураалт 94.2 хувьтай, төмс, хүнсний ногооны хураалт 87 хувьтай явж байна.

Тодруулбал, аймгийн хэмжээнд үр тариа 121.0 мянган га талбайгаас 13.8 цн буюу 167.5 мянган тн, үүнээс улаанбуудай 116.9 мянган га талбайгаас 14.0 цн буюу 164.0 мянган тн, бусад үр тариа 4070 га талбайгаас 8.6 цн буюу 3528.9 тн хураан аваад байна.

Мөн тэжээлийн ургамал 4027 га талбайгаас 22.9 цн буюу 5947 тн, тосны ургамал 32.1 мянган га талбайгаас 4.7 цн буюу 15.1 мянган тн авчээ.

 Харин төмс 2672 га талбайгаас 162.2 цн буюу 43.3 мянган тн, хүнсний ногоо 6479.7 га талбайгаас 178 цн буюу 115.5 мянган тн ургац хураан аваад байна.