ХЭҮК: Эрүүл, аюулгүй орчинд амьдрах эрхийн хэрэгжилт, нөхцөл байдал сэдэвт хэлэлцүүлэг зохион байгууллаа

ХЭҮК-оос Монгол Улс дахь хүний эрх, эрх чөлөөний байдлын талаарх 23 дахь илтгэлд эрүүл аюулгүй орчинд амьдрах эрхийн хэрэгжилтэд тулгамдаж байгаа асуудлыг тусгаж, УИХ-д танилцуулсан. Илтгэлийг чуулганаар хэлэлцсэнтэй холбогдуулан УИХ-ын 37 дугаар тогтоод батлагдсан бөгөөд уг тогтоолоор иргэдийн эрүүл, аюулгүй орчинд амьдрах эрхийн хэрэгжилтийг дээшлүүлэх чиглэлд шаардлагатай арга хэмжээ авч ажиллахыг Засгийн газарт даалгасан юм.

ХЭҮК нь Байгаль орчны яам( хуучин нэрээр), НЗДТГ зэрэг холбогдох байгууллагад шахмал түлш болон бусад асуудлаар албан бичиг хүргүүлсэн. Энэ хүрээнд шахмал түлш хүний эрүүл мэндэд нөлөөлдөг эсэх, түлшний нөөцлөл, үйлдвэрлэлийн процесс, цахилгаан эрчим хүч хязгаарлах, үнэ нэмэх тухай зэрэг асуудлаар хэлэлцүүлэг зохион байгууллаа. 

Хэлэлцүүлэгт Эрчим хүчний яам, БОУАӨЯ, Нийслэлийн Засаг даргын тамгын газар болон бусад төрийн холбогдох байгууллагын эрх бүхий албан тушаалтнууд ирж тайлбар мэдээлэл өглөө. 

Гэрэл зургийг MPA.mn