Усан замын тээврийн хэрэгслийн хөвөлтийг Архангай аймагт зогсоолоо

Гэрэл зургийг MPA.mn

Усан замын тээврийн тухай хуульд заасан бүрэн эрхийн хүрээнд баталсан Архангай аймгийн Засаг даргын 2024 оны 06 дугаар сарын 12-ны өдрийн А/444 дүгээр захирамжаар аймгийн хэмжээнд гол, мөрөн, нууруудад усан зам тээврийн хэрэгслээр зорчигч тээвэрлэх хөвөлтийн дуусах хугацааг 2024 оны есдүгээр сарын 20-ны өдөр байхаар тогтоосон. 

Иймээс дээрх шийдвэрийн дагуу аж ахуйн нэгж, иргэд та бүхэн болзошгүй осол, эрсдэлээс урьдчилан сэргийлж усан замын тээврийн үйлчилгээг бүрэн зогсоож, цаашид гол, мөрөн, нуурт зорчигч тээвэрлэлтийн үйл ажиллагаа явуулахгүй байхыг анхааруулж байна гэж Монгол Улсын Далайн захиргаанаас мэдээллээ.