ӨВ СОЁЛ

Өнөөдөр Хүй долоо худагт 512 бөхийн барилдаан болно

Т.МӨНХ-УЧРАЛ/NEWSWIRE.MN

2021-08-16

Монгол Улсад залуучуудын байгууллага үүсэж хөгжсөний 100 жил, Монголын Үндэсний Бөхийн Холбооны 30 жил, Монгол бөхийг дэлхийн дээд амжилт Гиннест бүртгүүлсний 10 жилийн ойд зориулсан бөхийн барилдаан өнөөдөр Хүйн долоо худагт болох тухай Монголын Үндэсний бөхийн холбооноос мэдээллээ.

Уг барилдаан өнөөдөр эхлэх бөгөөд улсын аварга дөрөв, улсын арслан гурав, улсын гарьд тав, улсын заан ес, улсын харцага 18, улсын начин 64, нийт 103 улсын цолтон тэргүүтэй улс, аймгийн алдар цолтой 512 бөх зодоглохоор бүртгүүлсэн байна.

Харин 2021 оны наймдугаар сарын 14-ний өдөр бүртгүүлсэн сумын цолтон болон залуу бөхчүүд тус барилдаанд багтаж барилдах боломжгүй болсон учир эдгээр бөхчүүд МҮБХ-ны санхүүгээс мандатын төлбөрөө буцаан авах боломжтой ажээ.

Эх сурвалж: МҮБХ