COVID-19

Ж.Байгалмаа: Дельта вариант нь мутацид орсон таван хувилбараас халдварлах чадвар, хүндрэх эрсдэлээрээ хамгийн өндөр нь

Коронавирусийн дельта хувилбар нь альфа болон бетта хувилбарын мутацлагдсан хэлбэр юм. Энэ нь өмнөх бетта хувилбартай харьцуулахад 60 хувиар илүү хурдан тархаж байгаа нь тогтоогдсон. Манай улсын хувьд өнгөрсөн дөрөвдүгээр сард Энэтхэгээс Монгол Улсад ирсэн таван иргэнээс дельта хувилбар илэрч байсан нь анхны тохиолдол юм. Үүнээс хойш энэ хувилбар иргэдийн дунд тархсаар байгааг халдвар авсан иргэдийн шинж тэмдгээс харж болно. Одоогийн байдлаар Монгол Улс 70 гаруй сорьцыг Японы Халдварт Өвчин Судлалын хүрээлэн рүү явуулсан байгаа.

Энэ талаар ХӨСҮТ-ийн Тандалт эрхэлсэн дэд захирал Ж.Байгалмаа: -Оны өмнөхөн ихэвчлэн Англи улсаас гаралтай альфа вариант их тархсан. Харин сүүлийн 2-3 сард дельта тархалт дэлхий нийтээр эрчимтэй тархсан. Хамгийн анх дөрөв, тавдугаар сард Энэтхэг улсад бүртгэгдэж томоохон давлагаа үүсгэсэн байгаа. Ялангуяа сүүлийн тав, зургадугаар сард Европын болон АНУ-ын хүн амын дунд коронавирусийн халдварыг үүсгэж байгаа гол шалтгаан нь дельта вирус байгаа нь тогтоогдсон. Дельта вариант нь мутацид орсон таван хувилбар дундаас халдварлах чадвар болон хүндрэх эмнэлэгт хэвтэх эрсдэлээрээ хамгийн өндөр байгаа. Тухайлбал альфа вариантаар үүсгэгдсэн халдвараас халдварлах чадвараараа 60 хувиар илүү байна.

Иргэн Э. Үүрийнцолмон: -Дельта нь альфа вирусийг бодвол илүү хурдан тархаж хүний бие эрхтэн өвчлүүлдэг гэсэн мэдээлэлтэй байна. Бас айдастай байна. Өөрийгөө илүү их хамгаалж, илүү их гараа ариутгах, угааж, дархлаагаа дэмжих хоол хүнс сайн идэж байгаа. Миний хувьд коронавирусийн альфа хувилбараар өвчилсөн болохоор дахин халдвар авахаас сэргийлж байна.

Иргэн О. Энхжин: -Дельта вирус нь Монголд орж ирчихсэн гэж сонссон. Энэ нь Уханьд гарсан анхны ковидын халдвараас халдварлах чадвар сайтай гэж бодож байна. Яагаад гэвэл анхны халдвар нь амьтнаас хүнд халдварласан болохоор хүний биеийг гэмтээх чадвар нь бага байсан бол хүнээс хүнд халдварлагдаж явсаар халдварлах болон хүний эд эрхтэн гэмтээх чадвар нь илүү болсон. Дельта вирусээр өвдсөн хүмүүс маш хүнд өвдөж байгаа гэж сонссон. Тийм болохоор вирусийн халдвар авахаас сэргийлж дэглэмээ сайн барьж байгаа.

Мэдээллийн хамтрагч: A24 суваг

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet