ХЭҮК: УИХ-ын 2024 оны ээлжит сонгуулийн үеэр нууцаар санал өгөх боломж бүрдээгүй

Гэрэл зургийг MPA.mn

УИХ-ын 2024 оны ээлжит сонгуулийн үеэр санал авах байрны хэмжээнээс хамаарч ширээ хоорондын зай хэт ойрхон байрласны улмаас сонгогч нууцаар санал өгөх боломж бүрдээгүй.

Зарим хэсгийн хороод зөөврийн битүүмжилсэн саналын хайрцгаар санал авахдаа санал авах бүхээг, хуруунд бэхэн тэмдэглэгээ хийхийг орхигдуулсан.

Зөөврийн битүүмжилсэн саналын хайрцгаар санал авахаар хэсгийн хорооны гишүүд болон ажиглалт хийх 9 хүний бүрэлдэхүүн айлд орж байгаа нь бага насны хүүхэд, хэвтрийн хүнд өвчтэй өрхийн гишүүдэд хүндрэл учруулсан, гутлын улавч өмсөөгүй, маск зүүгээгүй нь өрхийн гишүүдийн эрүүл, аюулгүй байдалд сөргөөр нөлөөлсөн зэрэг зөрчил гарсан талаар ХЭҮК-ын ахлах референт Ч.Ариунаа танилцуулж байна.