ШӨХТГ: Чанарын удирдлагын тогтолцоо ISO 9001 стандартыг нэвтрүүлэхэд хамтран ажиллана

Шударга өрсөлдөөн, хэрэглэгчийн төлөө газрын Тамгын газрын дарга Э.Эрдэнэцэцэг Стандарт, хэмжил зүйн газрын БТБГ-ын дарга В.Ганзориг болон холбогдох албаны хүмүүстэй албан уулзалт хийлээ.

Уулзалтаар Шударга өрсөлдөөн, хэрэглэгчийн төлөө газарт Чанарын удирдлагын тогтолцоо ISO 9001 олон улсын стандартыг нэвтрүүлэхэд мэргэжил арга зүйн зөвлөгөө авч, цаашид хэрхэн хамтран ажиллах талаар харилцан санал солилцлоо.

Орчин үеийн менежментийн арга хэрэгсэл болох чанарын удирдлагын тогтолцоо ISO 9001 олон улсын стандарт нь байгууллагын ерөнхий чадавхын стандарт тул байгууллагын соёл, засаглал, өрсөлдөх чадвараар дамжуулан бүтээмжийг нэмэгдүүлж, үр ашгийг дээшлүүлэхэд чиглэгддэг юм.