ХЭҮК: Хүүхдийн марафон зохион байгуулна

Гэрэл зургийг MPA.mn

Хүний эрхийн Үндэсний Комисс, Хүүхэд, Гэр бүлийн хөгжил, хамгааллын ерөнхий газар, “Үндэсний цэцэрлэгт хүрээлэн”-тэй хамтарч “Хүүхэд бүр ялагч-Хүүхэд бүр хамгаалагч” хүүхдийн марафоныг 2024 оны зургадугаар сарын 1-ний өдөр зохион байгуулах гэж байна.

Үе тэнгийн дээрэлхэлт, ялгаварлан гадуурхалтыг таслан зогсоох, түүний хор уршиг, сөрөг ур дагаврыг сурталчлан таниулах, зөв хандлага, соёлыг дэлгэрүүлэх зорилготой уг арга хэмжээнд нэгдэж, оролцох хүүхэд бүр:

• Барианд орж буй түүхэн мөчөө мэргэжлийн гэрэл зурагчны дуранд мөнхөлж, гэрэл зургаа авахуулна,
• Хөгжилтэй алиалагчийн урласан бүтээлийг бэлгэнд авна,
• Мэргэжлийн нүүр хувиргагчаар зураг зуруулна,
• Хүүхэлдэйн баатруудтай болон арга хэмжээний уриа, лого бүхий самбар, хүрээтэй зураг авхуулна,
• Хүслийн хайрцагт өөрийн мөрөөдлөө шивнэж, ирээдүйгээ өөрчлөхөд хувь нэмрээ оруулах зэрэг хөтөлбөрт хамрагдах юм.

Марафон гүйлт

• 10.00-10.30 цаг                     Нээлт
• 10.30-11.30 цаг                     Гүйлт /6-7 нас/
• 11.30-12.30 цаг                     Гүйлт /8-9 нас/
• 12.30-13.30 цаг                     Гүйлт /10-11 нас/
• 13.30-14.30 цаг                     Гүйлт /12-13 нас/
• 14.30-15.30 цаг                    Гүйлт /14-15 нас/
• 15.30-16.30 цаг                     Гүйлт /16-17 нас/
•  16.30 цагт                             Хаалт

Хүүхэд, багачууд та бүхэн Хүүхдийн марафонд оролцохыг хүсвэл дор байршуулсан QR кодыг уншуулах эсвэл ЭНД ДАРЖ бүртгүүлээрэй.

Дэлгэрэнгүй мэдээллийг 9902-8438 дугаараас авна уу.

АНХААРАХ ЗҮЙЛС: Марафонд оролцох хүүхдүүд гүйхэд хөлд эвтэйхэн гутал өмсөөрэй.

Дэмжигч байгууллага:

ХЭҮК-ын дэргэдэх Иргэний нийгмийн зөвлөлийн гишүүн байгууллага “Хүүхдийн эрх хамгаалал-Үжин Төв”