ОЛИМП

“Токио-2020” Монголын багийн тойм

Өчигдөр Монголчууд буудлага, жүдо бөх гэсэн хоёр төрөлд өрсөлдлөө. БУУДЛАГА:Эмэгтэйчүүдийн урт бууны гурван байрлалаас буудах дасгалын урьдчилсан шатанд 37 тамирчин онч сорьсны дотор Монголын О.Есүгэн байв.Тамирчид суугаа, босоо, хэвтээ гэсэн гурван байрлалаас нийт 120 сум тавьж, шилдэг найм нь цааш финалд шалгарсан. Манай мэргэн бууч энэ шатанд 1158 оноотойгоор 27-р байрт шалгарлаа. Энэ төрөлд Швейцарын Нина Кристен 463.9 оноогоор олимпийн рекорд шинэчлэн түрүүлэв. Тэрбээр зургадугаар байраар финалдсан ч өмнөх тамирчдаа гүйцэж чаджээ.

Мөнгө, хүрэл медалийг Оросын хоёр буудагч Юлия Зукова /461.9/, Юлия Каримова /450.3/ нар хүртэв.ЖҮДО БӨХОлимпийн наадмын хөтөлбөрт анх удаа багтсан холимог багийн тэмцээнд шилдэг 12 улс оролцсоны дотор Монголын баг байв. Манайхан эхлээд БНСУ-ыг 4:1-ээр ялж, шөвгийн наймд шалгарсан. Ц.Цогтбаатар, Д.Сумъяа, Б.Ганхайч, Г.Алтанбагана нар багтаа ялалт авчрав. Харин дунд шөвөгт Оросын багт 4:2-оор дийлдлээ.

Хувийн төрөлд медаль хүртээд буй хоёр бөх болох Ц.Цогтбаатар, С.Моллай нар өрсөлдөгчөө ялав. Улмаар дагах барилдаанд Германы багт 4:2-оор хожигдсоноор багийн тэмцээнд долдугаар байр эзэлсэн амжилтаар Олимпийг өндөрлүүллээ.Манай Ц.Цогтбаатар, С.Моллай нар учраагаа давж, энэ Олимпод тун өнгөлөг байгаагаа дахин харуулсан. Ялангуяа Моллай өөрөөсөө 10-аад кг илүү жинтэй бөхчүүдтэй барилдаж, бүгдийг нь буулгаж авсан юм. Өөрийгөө ямар бөх вэ гэдгийг энэ Олимпоор монголчуудад хангалттай мэдрүүллээ. Жүдо бөхийн холимог багийн тэмцээнд Францын шигшээ таамаг эвдэн түрүүлж, тэдэнд 4:1-ээр хожигдсон дэвжээний эзэн Япон мөнгө дээр буув. Хүрэл медалийг Герман, Израилийн жүдочид хүртлээ.

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet