“Цөлжилттэй тэмцэх Монгол, Хятадын хамтын ажиллагааны төв байгуулах төсөл”-ийн солилцох захидалд гарын үсэг зурлаа

Бүгд Найрамдах Хятад Ард Улсын Засгийн газраас Монгол Улсын Засгийн газарт буцалтгүй тусламжийн хөрөнгөөр хэрэгжүүлэх “Цөлжилттэй тэмцэх Монгол, Хятадын хамтын ажиллагааны төв байгуулах төсөл”-ийн солилцох захидалд Сангийн сайд Б.Жавхлан болон Бүгд Найрамдах Хятад Ард Улсаас Монгол Улсад суугаа Онц бөгөөд бүрэн эрхт Элчин сайд хатагтай Шэнь Миньжуань нар 2024 оны гуравдугаар сарын 27-ны өдөр гарын үсэг зурлаа.

Тус төслийг хэрэгжүүлснээр НҮБ-ын Цөлжилттэй тэмцэх конвенцын хүрээнд хоёр улс хүлээсэн үүргээ биелүүлэх, бүс нутгийн хэмжээнд уур амьсгалын өөрчлөлтийг сааруулах, ногоон хөгжлийн сэргэлтийг эрчимжүүлж ойжуулалтын нэмэгдүүлж ойн санг 9 хувьд хүргэх үр дүнтэй төсөл юм.