Улаанбаатар-Хөх хот чиглэлд олон улсын зорчигчийн галт тэрэг аялж эхэллээ

Гэрэл зургийг MPA.mn

Өнөөдөр буюу 2024 оны гуравдугаар сарын 15-ны өдрөөс эхлэн Улаанбаатар - Хөх хот, Хөх хот - Улаанбаатар чиглэлийн олон улсын зорчигчийн галт тэрэг Даваа, Баасан гараг бүр аялахаар болсон билээ.
 
Энэ чиглэлд Улаанбаатар төмөр зам болон Хятадын төмөр замын /КЖД/ галт тэрэг ээлжилж аялна.
 
УБТЗ галт тэрэг: Улаанбаатар – Хөх хот чиглэлийн олон улсын галт тэрэг эхний аялал 2024 оны гуравдугаар сарын 15-ны өдөр (Баасан гараг) Улаанбаатараас хөдөлж, гуравдугаар сарын 16-ны өдөр (Бямба гараг) Хөх хотод хүрэх, Хөх хот – Улаанбаатар чиглэлийн олон улсын галт тэрэг гуравдугаар сарын 18-ны өдөр (Даваа гараг) Хөх хотоос хөдөлж, гуравдугаар сарын 20-ны өдөр (Лхагва гараг) Улаанбаатарт ирнэ.
 
КЖД галт тэрэг: Хөх хот – Улаанбаатар чиглэлийн олон улсын галт тэрэгний эхний аялал 2024 оны гуравдугаар сарын 15-ны өдөр (Баасан гараг) Хөх хотоос хөдөлж, гуравдугаар сарын 17-ны өдөр (Ням гараг) Улаанбаатарт хүрэх, Улаанбаатар – Хөх хот чиглэлийн олон улсын галт тэрэг гуравдугаар сарын 18-ны өдөр (Даваа гараг) Улаанбаатараас хөдөлж, гуравдугаар сарын 19-ний өдөр (Мягмар гараг) Хөх хотод хүрнэ.