Өнгөрсөн онд иргэний хэргийн 1422 гомдлыг Танхимын нийт шүүгчийн хуралдаанаар хэлэлцүүлж, 244-ийг шийдвэрлэсэн

2023 онд иргэний хэргийн 1422 гомдлыг Танхимын нийт шүүгчийн хуралдаанаар хэлэлцүүлж, үүнээс 244-ийг шүүх хуралдаанаар хэлэлцэн шийдвэрлэсэн.

Иргэний хэргийн хяналтын шатны шүүх хуралдаанаар хэргийг дараах байдлаар хянан шийдвэрлэж тогтоол гаргадаг. 

1. Шийдвэр, магадлалыг хэвээр үлдээж, гомдлыг хангахгүй орхих;
2. Шийдвэр, магадлалд нэмэлт, өөрчлөлт оруулах;
3. Магадлалыг бүхэлд нь буюу зарим хэсгийг хүчингүй болгож, шийдвэрийг хэвээр үлдээх буюу өөрчлөх;
4. Шийдвэр, магадлалыг хүчингүй болгож, хэргийг буюу нэхэмжлэлийг хэрэгсэхгүй болгох;
5. Шийдвэр, магадлалыг хүчингүй болгож, хэргийг дахин хэлэлцүүлэхээр анхан болон давж заалдах шатны шүүхэд буцаах.

Монгол Улсын дээд шүүхийн Тамгын газраас иргэдийн эрх зүй, шүүхийн боловсролыг дээшлүүлэх, шүүхийн үйл ажиллагааны ил тод байдлыг хангах зорилгоор холбогдох мэдээллийг тогтмол нийтэлж байна.